Նորություններ

Ի  գիտություն Երևանի պետական համալսարանի և Խ.Աբովյանի անվան  հայկական պետական մանկավարժական համալսարանի  2010-2011 ուսումնական տարվա մագիստրատուրայի առաջին կուրսեցիների Հայ  առաքելական  եկեղեցու ԱՄՆ Արևելյան  թեմի Հայ օգնության ֆոնդը  (ՀՕՖ) ՚Մարգարիտ Աճեմյանՙ   կրթավճար  ծրագրի  շրջանակներում  Երևանի  պետական  համալսարանի  հայ  լրագրության  ֆակուլտետի  և Խ.Աբովյանի  անվան  հայկական  պետական  մանկավարժական  համալսարանի  կուլտուրայի  ֆակուլտետի  լրագրության  բաժնի  մագիստրատուրայի առաջին  կուրսի  ուսանողների    համար  հայտարարում  է մրցույթ, որի  արդյունքում  5  հաղթողների  ուսման  վարձը    կվճարի  ՀՕՖ-ը`    ամերիկահայ    բարերար  Մարգարիտ  Աճեմյանի   կողմից հատկացրած միջոցներից: Մրցույթին կարող են մասնակցել այն  ուսանողները, ովքեր. 

Ա. ընդունվել են վերոհիշյալ ԲՈՒՀ-երի լրագրության  ֆակուլտետի մագիստրատուրա 

Բ.  ունեցել են բարձր առաջադիմություն բակալավրի ծրագրով սովորելու տարիներին 

Գ. սոցիալապես անապահով ընտանիքներից են 

Դ. պարտավորվում են սովորել լավ և գերազանց գնահատականներով  

Ե.  պարտավորվում  են  ուսման  ավարտից  հետո  նվազագույնը  4  տարի  ապրել  և  աշխատել  Հայաստանի  Հանրապետությունում կամ Արցախում:

Մարգարիտ Աճեմյան կրթավճար՚ ծրագրի մրցույթին մասնակցելու կարգը:

Վերոհիշյալ  պայմաններին    համապատասխանող  ուսանողները  ցանկության  դեպքում  կարող  են  2010թ. սեպտեմբերի 2 -ից    8 –ը (ներառյալ շաբաթ և կիրակի օրերը) ք. Երևան, Մովսես Խորենացի 22 հասցեում գտնվող  ՀՕՖ-ի Հայաստանի գրասենյակ ներկայացնել հետևյալ փաստաթղթերը` 

-  դիմում (ձևը կարող եք վերցնել ՀՕՖ-ից և նշված բուհերի  դեկանատներից)              

-  բակալավրի աստիճանի դիպլոմի պատճենն իր հավելվածով  

-  տեղեկանք  ծնողների  աշխատավայրից  նրանց  պաշտոնի  և  աշխատավարձի  չափի  վերաբերյալ  (եթե  չեն  աշխատում`  տեղեկանք  զբաղվածության  տարածքային  կենտրոնից`  աշխատանքային գրքույկի պատճենի հետ միասին) 

-   նպատակի հիմնավորում (1 համակարգչային էջ ` նշելով ով ես, ինչի ես հասել մինչ օրս,  ինչ  հաջողություններ  ես  ունեցել,  ինչու  ես  ուզում  ուսումդ  շարունակել  հենց  այս  մասնագիտությամբ, ինչ կտա այն քեզ, ինչպես ես կիրառելու ձեռք բերվածը: Նշեք նաև  քաղաքացիական մասնակցության, գիտական աշխատանքներում ներգրավվածության  մասին:) 

-  լրագրողական  նյութեր  ( հոդվածներ,  ռեպորտաժների  նյութեր,  ձայներիզներ,  տեսաերիզներ) 

-  ժուռնալիստական  թեստ  (կհանձնվի  ՀՕՖ–ի  գրասենյակում.  ժամկետների  մասին  դիմումատուները կտեղեկացվեն լրացուցիչ):

Փաստաթղթերը ետ չեն վերադարձվում: Թերի փաթեթները չեն դիտարկվի: Շահառուների ընտրությունը տեղի է ունենալու 3 փուլով:       

1.   Փաստաթղթային փաթեթի քննարկում,

2.   Տնայց,

3.   Հարցազրույց` անհրաժեշտության դեպքում: 

Սույն  ծրագրում  ուսանողի  ընդգրկման  վերջնական    որոշումը  կայացնելու  է  ՀՕՖ-ի  կրթական  ծրագրերի  հանձնաժողովը, որից հետո ուսանողի և ՀՕՖ-ի միջև կկնքվի  պայմանագիր:          Լրացուցիչ տեղեկությունների համար կարող եք զանգահարել ծրագրի համակարգող   Էդուարդ  Կարապետյանին   հետևյալ  հեռախոսահամարներով   52-66-60  և 56-11-08:

Ավելին` այստեղ