Նորություններ

Քաղաքացիական զարգացման և համագործակցության հիմնադրամը (ՔԶՀՀ) կազմակերպում է Ծրագրի առաջարկի շարադրման դասընթաց: Տվյալ դասընթացը կազմակերպված է այն անհատների և հասարակական կազմակերպությունների ղեկավարների եւ աշխատակիցների համար, ովքեր ցանկանում են բարելավել և զարգացնել ծրագրի առաջարկի շարադրման իրենց հմտությունները: Դասընթացը հատկապես օգտակար կլինի այն մասնակիցների համար, որոնք արդեն ունեն որոշակի ծրագրային գաղափար և դրա հիման վրա ցանկանում են ձևակերպել ծրագրի մրցունակ առաջարկ: Դասընթացը կազմակերպված է դասավանդման տարբեր մեթոդների համակցությամբ (մտագրոհ, ներկայացում, քննարկումներ, գործնական վարժություններ):

Դասընթացի արդյունքում մասնակիցները կծանոթանան ներկայումս առկա դրամաշնորհային առաջարկների դիմում-հայտերի ձևաչափերին, կկարողանան շարադրել ծրագրի առաջարկի հիմնական բաղադրիչները, հնարավորություն կունենան մշակել ծրագրի առաջարկի առանձին մասեր, կմշակեն մրցունակ ծրագրի առաջարկի նախագիծ որևէ ծրագրային գաղափարի հիման վրա:

Դասընթացը վարում է Դիանա Տեր-Ստեփանյանը, ով ավելի քան 8 տարվա աշխատանքային փորձ ունի ծրագրի մշակման, իրականացման, մոնիտորինգի և գնահատման, տրամաբանական կառուցվածքի մշակման ոլորտներում, և բազմաթիվ դասընթացներ ու խորհրդատվություններ է մատուցել այդ ոլորտներում:

Դասընթացը հաջողությամբ ավարտած (առնվազն դասընթացի 80%-ին մասնակցած) անձանց կտրամադրվեն մասնակցության հավաստագրեր:

Դասընթացը տեղի կունենա նոյեմբերի 4 և 5-ին, առաջին օրը` ժամը 10:00-17:00, երկրորդ օրը` 10:00-13:30 Քաղաքացիական զարգացման եւ համագործակցության հիմնադրամի (ՔԶՀՀ) գրասենյակում, Պռոշյան 11/5 հասցեով:

Դասընթացի մասնակցության արժեքը` 23.000 դրամ է (առանց ԱԱՀ):

Դիմումների ընդունման վերջնաժամկետը` նոյեմբերի 2-ը, ժամը 16:00:

Ավելին` այստեղ