Նորություններ

Էդմունդ Ս. Մասկիի անվան կրթաթոշակների ծրագիրը հնարավորություն է տալիս երիտասարդներին Եվրասիական երկրներից գալ ԱՄՆ` տարբեր ուսումնական հաստատություններում մագիստրական մեկամյա կամ երկամյա ծրագրով ուսանելու նպատակով: Մասնակցելով դասընթացներին, մասնագիտական պրակտիկային և համայնքային ծառայության աշխատանքներին` ծրագրի մասնակիցները սերտորեն առնչվում են ամերիկացիների հետ, ինչպես նաև անմիջական կապեր են հաստատում ամերիկյան համալսարանների, գործարար ոլորտի ներկայացուցիչների, հանրային ծառայություններ մատուցող կազմակերպությունների, դպրոցների և այլ հաստատությունների հետ, ինչը հնարավորություն է ընձեռում նրանց խորապես ընկալելու այնպիսի ամերիկյան արժեքներ և գաղափարներ, ինչպիսին է ժողովրդավարությունը, իսկ այնուհետև վերադառնալ հայրենիք և օգտագործել ստացած գիտելիքներն ու փորձը ի շահ հայրենի երկրի:

Ծրագրի նպատակն է խթանել երկրների միջև փոխըմբռնումը, կառուցել ժողովրդավարություն և ինտենսիվ գիտական ուսումնասիրության և մասնագիտական վերապատրաստման միջոցով խթանել Եվրասիայում անցումը դեպի շուկայական տնտեսություն: Վերադառնալով հայրենիք` Մասկի ծրագրի մասնակիցները մասնագիտորեն նպաստում են իրենց երկրներում ժողովրդավարության գործընթացին և ամրապնդում են ԱՄՆ-ի և իրենց հայրենի երկրի միջև հարաբերությունները:

Ծրագրի մասնակիցները ընդգրկվում են լրիվ դրույքով ոչ գիտական կամ գիտական աստիճան շնորհող ուսումնական ծրագրի մեջ Այռեքսի գործընկեր համալսարաններում`ձեռք բերելով նոր միջազգային հեռանկարներ և արժեքավոր մասնագիտական փորձ: Մասկի ծրագիրն առաջարկում է կրթություն հետևյալ ուսումնական ոլորտներում` բիզնեսի կառավարում, տնտեսագիտություն, կրթություն, շրջակա միջավայրի կառավարում, միջազգային հարաբերություններ, լրագրություն և հանրային հաղորդակցություն, իրավագիտություն, գրադարանավարություն և տեղեկատվություն, հանրային/պետական կառավարում, հանրային առողջապահություն, հանրային/պետական քաղաքականություն:

Դիմումների ընդունման վերջնաժամկետը` նոյեմբերի 2, 2011թ:

Ավելին` այստեղ