Նորություններ

"Գրավիչ գծապատկերների պատրաստում" թեմայով դասընթացը տեղի կունենա նոյեմբերի 4-ին ժամը` 11:00-14:00, 2011թ: Դասընթացը կվարի Նանա Պապիաշվիլին: Դասընթացը նախատեսված է այն հետազոտողների համար, ովքեր պարբերաբար գծապատկերներ են պատրաստում և կցանկանային դրանք ավելի տպավորիչ ու հետաքրքիր դարձնել Excel-ի միջոցով: Կներկայացվեն գծապատկերների տարբեր տեսակներ և դրանք ավելի գրավիչ դարձնելու օրինակներ: Դասընթացից հետո ունկնդիրները կկարողանան դյուրընթեռնելի և ուշագրավ գծապատկերներ պատրաստել: Մասնակիցները պետք է ծանոթ լինեն SPSS և Excel ծրագրերին: Հաջող մասնակցության դեպքում ունկնդիրները ՀՌԿԿ-Հայաստանի կողմից կհրավիրվեն տարբեր ծրագրերի և իրենց աջակցությունը կցուցաբերեն գծապատկերներ պատրաստելիս:

Դասընթացավարի համառոտ կենսագրականը. Նանա Պապիաշվիլին ՀՌԿԿ տարածաշրջանային հետազոող-վերլուծաբան է: SPSS, Excel և STATA ծրագրերի միջոցով տարբեր հետազոտական տվյալների վերլուծությունների ու արդյունքների ներկայացման փորձ ունի: Միջազգային հարաբերությունների ու եվրոպական ուսումնասիրությունների մագիստրոսի աստիճան է ստացել Կենտրոնական Եվրոպայի համալսարանից (Բուդապեշտ, Հունգարիա):

Դասընթացին մասնակցելու համար գրանցվել մինչև ս.թ. նոյեմբերի 1-ը` ժամը 18:00-ը: Միայն 8 մասնակիցներ կարող են ներկա գտնվել դասընթացին: Ձեր մասնակցության մասին կտեղեկացնենք նոյեմբերի 2-ին:

Ավելին` այստեղ