Միջազգային սեմինար-հանդիպում նվիրված համաշխարհային խաղաղության ու առողջության պաշտպանությանը
Ամսաթիվ՝ հոկտեմբերի 17-21, 2011
Կազմակերպիչ՝ Unity for Peace Building Organization
Վայրը՝ Ֆլորիդա, ԱՄՆ:
Նորություններ
Նորություններ
17.10.2011
Հոկտեմբերի 24-ին` ժամը 14:00-16:00-ին Հայկական տնտեսագիտական միության կողմից կազմակերպված գիտաժողովի շրջանակներում ՀՌԿԿ-Հայաստանը հյուրընկալելու է աշխատաժողով, որի ընթացքում Հայաստանի կենտրոնական բանկից Աշոտ Մկրտչյանը և Կարեն Պողոսյանը կներկայացնեն համապատասխանաբար "Դինամիկ ստոխաստիկ ընդհանուր հավասարակշռություն" ու "Գործոնների վրա հիմնված դինամիկ մոդելներ" թեմաներով զեկույցներ:
17.10.2011
"Մխիթար Սեբաստացի" կրթահամալիրում սկսել է գործել "Տիեզերք" ակումբը: Ակումբի ղեկավարը երիտասարդ աստղագետ Լևոն Արամյանն է, խորհրդատուն` Հայաստանում "Տիզերք" ակուբի հիմնադիր և ղեկավար, "Քվանտ" վարժարանում Լևոն Արամյանի ուսուցիչ, աստղագետ Ավետիք Գրիգորյանը: Ակումբի անդամներ կարող են լինել տիեզերագիտությամբ (աստղագիտություն, հրթիռաշինություն, տիեզերքի ուսումնասիրություն) հետաքրքրվող սովորողները` սկսած 6-րդ դասարանից:
17.10.2011
2011թ. հոկտեմբերից սկսվում են ՆեոՄեդիա ընկերության SEO-School Որոնողական առաջխաղացման տեխնոլոգիաների պրոֆեսիոնալ խմբային դասընթացների առաջին և երկրորդ խմբերի դասընթացները: Դասընթացների տևողությունը` 1 ամիս (9 դաս, երկուական ժամ): Դասընթացի արժեքը` 58.000 դրամ, դաընթացի մասնակիցների առավելագույն քանակը` 5:
15.10.2011
Հայաստանում գերմանական համալսարանի Կոմպետենցիաների զարգացման կենտրոնն առաջարկում է գերմաներեն լեզվի դասընթացներ A1, A2, B1 und B2 մակարդակների համար` Լեզուների իմացության գնահարման եվրոպական համընդհանուր չափորոշիչներին համապատասխան: Նոր խմբերի մասնակիցների գրանցումն արդեն սկսվել է: Դասընթացը նախատեսված է պատանիների և չափահասների, ուսանողների և մասնագետների, կազմակերպությունների, ինչպես նաև սկսնակների, վերսկսողների և գերմաներենը տարբեր մակարդակներով տիրապետողների համար և առհասարակ նրանց համար, ովքեր ցանկանում են տիրապետել գերմաներեն լեզվին:
15.10.2011
"Գրավիչ գծապատկերների պատրաստում" թեմայով դասընթացը տեղի կունենա նոյեմբերի 4-ին ժամը` 11:00-14:00, 2011թ: Դասընթացը կվարի Նանա Պապիաշվիլին: Դասընթացը նախատեսված է այն հետազոտողների համար, ովքեր պարբերաբար գծապատկերներ են պատրաստում և կցանկանային դրանք ավելի տպավորիչ ու հետաքրքիր դարձնել Excel-ի միջոցով: Կներկայացվեն գծապատկերների տարբեր տեսակներ և դրանք ավելի գրավիչ դարձնելու օրինակներ: Դասընթացից հետո ունկնդիրները կկարողանան դյուրընթեռնելի և ուշագրավ գծապատկերներ պատրաստել: Մասնակիցները պետք է ծանոթ լինեն SPSS և Excel ծրագրերին: Հաջող մասնակցության դեպքում ունկնդիրները ՀՌԿԿ-Հայաստանի կողմից կհրավիրվեն տարբեր ծրագրերի և իրենց աջակցությունը կցուցաբերեն գծապատկերներ պատրաստելիս:
15.10.2011
Կ.Ի. Զամիրաևի անվան միջազգային բարեգործական գիտական հիմնադրամը` Դինաստիա հիմնադրամի աջակցությամբ, հայտարարում է Հիմնադրամի անվանական կրթաթոշակների համար մրցույթի մեկնարկման մասին` կարճաժամկետ գիտական ստաժավորումների անցկացման համար Ռուսաստանի, ԱՊՀ և Հեռավոր Արտերկրի երկրներից մեկում: Մրցույթին կարող են մասնակցել մինչև 35 տարեկան երիտասարդ գիտնականներ, ովքեր զբաղվում են հետազոտություններով քիմիական կատալիզի, ֆիզիկոքիմիական մակերևույթների, հետազոտությունների ֆիզիկական մեթոդների և նման բնագավառներում: Ստաժավորման նպատակն է` բարձրացնել որակավորումը տվյալ գիտական ուղղությամբ, ձեռք բերել գիտելիքներ հետազոտման ժամանակակից գիտական մեթոդների վերաբերյալ:
14.10.2011
Վրաստանի կրթության և գիտության նախարարության նախաձեռնությամբ Շոթա Ռուսթավելու անվան գիտության ազգային հիմնադրամը (SRNSF) հայտարարում է "Լեոնարդո դա Վինչի" մրցույթը, որը նախատեսված է գյուտարար դպրոցականների համար և որի հիմնական նպատակը՝ դպրոցականների ստեղծագործական մտածողության ձևավորումն ու զարգացումն է: Մրցույթը անցկացվելու է ս.թ. դեկտեմբերի 15-ից 16-ը:
14.10.2011
Կազմակերպվում է ընդհանուր անգլերենի դասընթացներ բոլոր ցանկացողների համար, ովքեր նպատակ ունեն սովորել կամ բարելավել իրենց անգլերենը: Դասընթացները կմեկնարկեն սույն թվականի հոկտեմբերի 15-ին և նոյեմբերի 1-ին: Դասընթացները բաղկացած են 6 մակարդակներից` սկսնակից մինչև պրոֆեսիոնալ: Յուրաքանչյուր խմբում մասնակիցների քանակը նախատեսված է առավելագույնը 10-ը: Դասընթացները կանցկացվեն առավոտյան և երեկոյան` հմուտ մասնագետների կողմից, հարմարավետ գրասենյակներում:
14.10.2011
Հետազոտական ռեսուրսների կովկասյան կենտրոններ (ՀՌԿԿ) – Հայաստանը սիրով հրավիրում է մասնակցելու "Գլոբալ մարկետինգի տվյալների շտեմարան (GMID)" թեմայով վեբինարին, որը կվարի Եկատերինա Բոնդարենկոն (Եվրամոնիտոր միջազգային): Վեբինարը տեղի կունենա սույն թվականի հոկտեմբերի 18-ին ժամը 16:00-17:30: Վեբինարի աշխատանքային լեզուն` ռուսերեն: Վեբինարի ընթացքում կներկայացվեն Եվրամոնիտոր միջազգայինի (ԵՄ) GMID տվյալները: ԵՄ-ն տարբեր ոլորտների, երկրների ու սպառողների վերաբերյալ գլոբալ ռազմավարության օբյեկտիվ տվյալներ է ներկայացնում: Եկատերինա Բոնդարենկոն կծանոթացնի GMID տվյալներին (որին ՀՌԿԿ-Հայաստանը 2011թ. հոկտեմբերի ընթացքում փորձնական մուտքի թույլտվություն է ստացել որպես Հայաստանի էլեկտրոնային գրադարանների կոնսորցիումի անդամ) և կպատասխանի մասնակիցների հարցերին: Վեբինարը հասցեագրված է մարկետինգային տվյալներով հետաքրքրվող հետազոտողներին:
