Նորություններ

Ֆրայբուրգի համալսարանի Լեզուների դասավանդման կենտրոնը 2012 թվականի ապրիլի 18-20-ը կազմակերպում է Միջազգային գիտաժողով լեզվաքաղաքականության և լեզուների դասավանդման վերաբերյալ՝ "Բազմալեզվությունը հասարակության մեջ: Դասավանդման նոր մարտահրավերները բարձրագույն ուսումնական հաստատություններում" թեմայով:

Ամերիկյան խորհուրդների հայաստանյան գրասենյակը հրավիրում է մասնակցելու նոր փոխանակման ծրագրի ԱՄՆ-ում: Օրենսդրական հաստատությունների մասնագետների (LFP) ծրագիրը հնարավորություն է ընձեռում Հայաստանի, Ադրբեջանի, Վրաստանի, Մոլդովայի, Ռուսաստանի, Թուրքիայի եւ Ուկրաինայի խոստումնալից երիտասարդ մասնագետներին ծանոթանալու եւ գործնական փորձ ձեռք բերելու ԱՄՆ-ի կառավարական մարմիններում:

Հունաստանի Հանրապետության պետական կրթաթոշակային հիմնադրամը (IKY) կազմակերպում է հունարեն լեզվի և մշակույթի դասընթաց և սեմինարներ, որոնք անց են կացվելու 2012 թվականի հունվարի 9-ից հունիսի 8-ը Հունաստանի համալսարաններից մեկում:Դասընթացներին կարող են մասնակցել մինչև 40 տարեկան, հունարեն լեզվին տիրապետող կամ հունարեն դասավանդող ՀՀ քաղաքացիները:

Կորեայի զարգացման ինստիտուտի (KDI) Հանրային քաղաքականության եւ կառավարման դպրոցի կողմից տրամադրվում են կրթաթոշակային տեղեր Զարգացման քաղաքականության (MDP) եւ Հասարակական քաղաքականության (MPP) մագիստրոսական աստիճաններ ստանալու նպատակով: Կրթաթոշակների հետ մեկտեղ արտասահմանյան ուսանողներին տրամադրվում է նաեւ ֆինանսական աջակցություն` կեցության, սննդի եւ այլ անհրաժեշտ ծախսերը հոգալու նպատակով:

ԵՊՀ Հայ բանասիրության ֆակուլտետի ՈՒԳԸ-ն 2011թ-ի կազմակերպում է ուսանողական միջբուհական գիտաժողով, որը տեղի կունենա նոյեմբերի 7-12-ին: Գիտաժողովը նվիրված է լեզվաբանությանը, գրականությանը, մանկավարժությանը, համաշխարհային գրականության տսությանը, սփյուռքագիտությանը, նրանց արդի խնդիրներին և հիմնահարցերին:

Հայ-Ռուսական (Սլավոնական) Համալսարանը և Հայաստանում Կարմիր Խաչի Կոմիտեի միջազգային պատվիրակությունը հայտարարում են "Միջազգային հումանիտար իրավունք. զարգացման պրոբլեմներն ու հեռանկարները" թեմայով 4-րդ միջազգային կոնֆերանսի մեկնարկման մասին երիտասարդ գիտնականների համար, որը տեղի կունենա սույն թվականի նոյեմբերի 11-ին Երևանում:

Հայաստանում Խաղաղության կորպուսի Գենդերի և զարգացման նախաձեռնությունը և հոգեբան Սոնա Գրիգորյանը կազմակերպում են ամենամյա ընտանեկան բռնության իրազեկման պաստառների և էսսեների մրցույթ, որի նպատակն է` իրազեկել այս չափազանց լուրջ խնդրի առկայության մասին, որ գոյություն ունի ինչպես Հայաստանի տարածքում, այնպես էլ աշխարհի մնացած վայրերում: Մրցույթին կարող են մասնակցել 9-րդ, 10-րդ, 11-րդ և 12-րդ դասարանի աշակերտներ ու աշակերտուհիներ, ինչպես նաև 1-ին կուրսի ուսանողներ:

Օրերս հայտարարվել է աշխարհահռչակ գիտնական Վիկտոր Համբարձումյանի անվան միջազգային մրցանակի երկրորդ` 2012թ. մրցույթը: Այս մրցանակը սահմանվել է ՀՀ նախագահի կողմից և տրվում է երկու տարին մեկ անգամ, աստղագիտության և հարակից գիտությունների ոլորտներում կատարած մեծ նվաճումների համար: Այն աշխարհի խոշորագույն գիտական մրցանակներից մեկն է և կազմում է 500 հազար ԱՄՆ դոլար (հիշեցնենք, որ Նոբելյան մրցանակի այսօրվա համարժեքն է մոտ 1.5 միլիոն ԱՄՆ դոլար): Մրցանակին կարող են ներկայացվել առանձին գիտնականներ կամ գիտական խմբեր` ոչ ավել, քան 3 հոգուց բաղկացած:

NeoMedia ընկերությունը 2011թ. նոյեմբերի 19-20-ին հրավիրում է մասնակցելու երկօրյա սեմինարի` SEO-ն բլոգերների համար թեմայով: Սեմինարը նախատեսված է կոմերցիոն և հասարակական կազմակերպությունների, տուրիստական, մշակութային, անձնական և այլ թեմատիկայի բլոգների առաջխաղացման տեխնոլոգիաների կիրառմանը տիրապետելու ցանկություն ունեցող անձանց համար: Սեմինարի ընթացքում կպարզաբանվեն հարցեր կապված բլոգի բարձր դիրքերի ապահովման հետ որոնողական համակարգերում: Սեմինարը կվարի ՆեոՄեդիա ընկերության համահիմնադիր տնօրեն Վարդան Պապիկյանը: Երկօրյա սեմինարի մասնակիցներին կտրվեն մասնակցության հավաստագրեր, գրառումների նոթատետր, գրիչ: Սեմինարի ընթացքում կլինեն 20 րոպեանոց սուրճի ընդմիջումներ:

Կորպորատիվ Կառավարման Բարձրագույն Դպրոցը սիրով Ձեր ուշադրությանն է ներկայացնում աշնանային բիզնես-թրենինգներ: Մասնակցեք այս բարձրորակ թրենինգներին, ձեռք բերեք նոր գիտելիքներ և փորձ, ինչը հիանալի հնարավորություն կստեղծի բարձրացնել Ձեր աշխատանքի արդյունավետությունը: Ներկայացված դասընթացները վարելու են տվյալ ոլորտի որակավորված և փորձառու մասնագետներ: