Նորություններ
Նորություններ
02.11.2011
Մայքրոսոֆթ Հայաստան ընկերությունը, ՀՀ կրթության և գիտության նախարարության և Կրթական տեխնոլոգաների ազգային կետրոնի աջակցությամբ, Գործընկերներ ուսման ոլորտում ծրագրի շրջանակներում երրորդ անգամ Հայաստանում կանցկացնի "Նորարարական ուսուցիչների հայաստանյան ֆորումը": Այս տարի ֆորումի գործընկեր է հանդիսանում նաև VivaCell MTS ընկրությունը: Մրցույթին կարող են մասնակցել բոլոր այն ուսուցիչներն ու դասավանդողները, ովքեր իրենց նորարար մեթոդներով և տեխնոլոգիաների կիրառմամբ անցկացվող դասերը ցանկանում են ներկայացնել ողջ հանրությանը, կիսել իրենց փորձը գործընկերների հետ և արժանանալ մրցանակների:
02.11.2011
"Բի Էս Սի"-ն կազմակերպում է բիզնես նամակագրության հատուկ դասընթացներ բոլոր նրանց համար, ովքեր կարիք ունեն գրելու ճիշտ կառուցված և պրոֆեսիոնալ նամակներ: Դասընթացը կկայանա հետևյալ ուղղություններով` բիզնես գրելաոճ, նամակի ձևաչափ, հարցումային նամակներ, պատասխան նամակներ, սոցիալ-բիզնես նամակներ, վաճառքի և PR նամակներ և այլն: Դասընթացը տեղի կունենա սույն թվականի նոյեմբերի 15-18, ժամը 15:00-18:00: Դասընթացը կվարի Քրիստինա Ոսկերչյանը:
01.11.2011
ՀԵԿԱ-ն Ձեզ սիրով հրավիրում է մասնակցելու անգլերեն լեզվով վարվող ակումբային քննարկումներին: Հանդիպումների ժամանակ կիրառվում են տարբեր մեթոդներ` քննարկումների, խաղերի կազմակերպում, ֆիլմերի դիտում և այլն: Ակումբի աշխատանքներին կարող են մասնակցել ուսանողներ, հասարակական կազմակերպությունների անդամներ, երիտասարդներ, ովքեր ցանկանում են բարելավել իրենց անգլերենի իմացությունը:
01.11.2011
Հայաստանում Գերմանական Համալսարանի Կոմպետենցիաների զարգացման կենտրոնը կազմակերպում է PECS-ի (Պատկերների միջոցով հաղորդակցման համակարգ) խորացված դասընթաց, որը տեղի կունենա սույն թվականի նոյեմբերի 9-ից 11-ը: Դասընթացը կվարի Սիբիլլե Բայորատ, Գերմանիա: Դասընթացը նախատեսված է այն ծնողների և մասնագետների համար, ովքեր մասնակցել են PECS Basic դասընթացին և ցանկություն ունեն անդրադառնալ PECS-ի կիրառման առանձնահատուկ խնդիրներին: Դասընթացի ժամանակ խմբային քննարկումների և տեսանյութերի վերլուծության միջոցով մասնակիցներին ուղիներ կտրվեն PECS-ի կիրառման արդյունքում ստեղծված բարդ իրավիճակներում լուծումներ գտնելու համար:
01.11.2011
Մարդու իրավունքների հայկական դպրոցը ՄԱԿ-ի Փախստականների հարցերով գերագույն հանձնակատարի գրասենյակի և Երևանի Վ. Բրյուսովի անվան պետական լեզվաբանական համալսարանի աջակցությամբ 2011թ. նոյեմբերի 24-ից 26-ը նույն համալսարանում կազմակերպում է "Փախստականների իրավունքները" թեմայով եռօրյա դասընթաց ՀՀ ԲՈւՀ-երի լրագրողական ֆակուլտետների (բաժինների) ավարտական կուրսերի ուսանողների համար: Ընդունելությունը կատարվում է մրցութային կարգով:
31.10.2011
Կազմակերպվում է «Սնուցման հետ կապված խնդիրները Հայաստանում. բարելավման անհրաժեշտություն» թեմայով քննարկում, որը տեղի կունենա նոյեմբերի 3-ին, ժամը 18:00 – 20:30 ՀԱՀ-ի Փարամազ Ավեդիսյան մասնաշենքի Ալեքս և Մարի Մանուկյան սրահում, որտեղ մինչև միջոցառման սկիզբը կտրվի հյուրասիրություն: Միջոցառումը կազմակերպվում է Հայաստանի ամերիկյան համալսարանի (ՀԱՀ) կողմից` Վորլդ Վիժն (ՎՎ) Հայաստան կազմակերպության և Հայ օգնության ֆոնդի (ՀՕՖ) աջակցությամբ: Քննարկման գլխավոր խոսնակն է ՀՕՖ-ի կողմից հրավիրված Կոլումբիայի համալսարանի պրոֆեսոր Ռիչարդ Դեքելբաումը, ով կներկայացնի « Գեր և թերսնուցմամբ պայմանավորված ծախսերի կրկնակի բեռը» զեկույցը:
31.10.2011
Քաղաքացիական զարգացման և համագործակցության հիմնադրամը (ՔԶՀՀ) կազմակերպում է Ծրագրի առաջարկի շարադրման դասընթաց: Տվյալ դասընթացը կազմակերպված է այն անհատների և հասարակական կազմակերպությունների ղեկավարների եւ աշխատակիցների համար, ովքեր ցանկանում են բարելավել և զարգացնել ծրագրի առաջարկի շարադրման իրենց հմտությունները: Դասընթացը հատկապես օգտակար կլինի այն մասնակիցների համար, որոնք արդեն ունեն որոշակի ծրագրային գաղափար և դրա հիման վրա ցանկանում են ձևակերպել ծրագրի մրցունակ առաջարկ: Դասընթացը կազմակերպված է դասավանդման տարբեր մեթոդների համակցությամբ (մտագրոհ, ներկայացում, քննարկումներ, գործնական վարժություններ):
31.10.2011
ԵԱՀԿ երևանյան գրասենյակը և Քաղաքացիական հասարակության ինստիտուտ հասարակական կազմակերպությունը կազմակերպում են "Անչափահասների գործերով դատավարությունների դիտարկում" հաշվետվության ներկայացում և քննարկում, որը տեղի կունենա նոյեմբերի 1-ին՝ ժամը 10:00-ին, Կոնգրես հյուրանոցի Մեծ սրահում:
29.10.2011
"Հայաստանի Հելսինկյան կոմիտե" իրավապաշտպան ՀԿ-ն, ԵԱՀԿ Երևանյան գրասենյակի աջակցությամբ, իրականացում է "Մարդու իրավունքների դասընթացներ քաղաքացիական հասարակության համար" ծրագիրը: Ծրագրի շրջանակներում կազմակերպվելու է 3-օրյա դասընթաց, որը տեղի է ունենալու նոյեմբերի 9-11-ը Ծաղկաձորում: Դասընթացին մասնակցելու համար, ուղարկել ինքնակենսագրություն և դասընթացին մասնակցելու հետաքրքրության նամակ:
29.10.2011
"Այբ" ավագ դպրոցի ուսումնական կենտրոնն առաջարկում է անգլերենի խորացված դասընթացներ բարձր դասարանցիների համար: Դասընթացը հիմնված է Քեմբրիջի համալսարանի "English in Mind" մեթոդոլոգիայի վրա: Ծրագիրն առավել հարմարեցված է 8-11-րդ դասարանցիների համար: Դասընթացները կանցկացվեն "Այբ" ավագ դպրոցում: "Այբ" ավագ դպրոցի հաջորդ ուսումնական տարվա դիմորդների համար այս դասընթացները լավ հնարավորություն են՝ բարելավելու անգլերենի իմացությունը մինչև ընդունելության համար անհրաժեշտ մակարդակը (սույն դասընթացի միջին մակարդակը):
