Նորություններ

Բրիտանական խորհուրդը, Երևանում Բրիտանական դեսպանատունը, ԵԱՀԿ երևանյան գրասենյակը հայտարարում են Նա/նե լրագրողական աշխատանքների 4-րդ մրցույթը: Մրցույթն իրականացվում է ՄԱԿ-ի բնակչության հիմնադրամի, Վորլդ Վիժն Հայաստան գրասենյակի, Հայաստանի երիտասարդ կանանց ասոցիացիայի և BMI ավիաընկերության հետ համատեղ։Մրցույթին իրենց նյութերը կարող են ներկայացնել հայաստանյան տպագիր, առցանց և հեռարձակող լրատվամիջոցների աշխատակիցները և անկախ լրագրողները։ Տպագրված կամ հեռարձակված նյութերը կամ դրանց հեղինակների թեկնածությունը կարող են առաջադրել նաև հասարակական կազմակերպություններն ու անհատները: Նախատեսվում է նաև հանրային քվեարկություն Բրիտանական խորհրդի հայաստանյան գրասենյակի Facebook-ի էջում։

Երևանի պետական համալսարանի Կենսաբանության ֆակուլտետի Ուսանողական գիտական ընկերությունը կազմակերպում է միջֆակուլտետային գիտաժողով` նվիրված Կենսաբանության հիմնահարցերին: Գիտաժողովի թեման է` "Կենսաբանության արդի խնդիրները": Գիտաժողովի հիմնական նպատակն է ֆակուլտետի գիտական պոտենցիալ ունեցող ուսանողների հայտնաբերումը և գիտական աշխատանքներ կատարելուն նախապատրաստելը և արդեն իսկ գիտական աշխատանքերով աչքի ընկած ուսանողներին ևս մեկ անգամ հնարավորություն ընձեռել իրենց գիտական ընդունակությունները զարգացնելու համար:

Բրազիլիայի կառավարությունը մոտակա չորս տարիների ընթացքում նախատեսում է տրամադրել շուրջ 75.000 կրթաթոշակային տեղ ինչպես Բրազիլիայի քաղաքացիների, այնպես էլ այլ երկրների այն քաղաքացիների համար, որոնք իրենց ուսումը կամ հետազոտությունը իրականացնելու են Բրազիլիայի բարձրագույն ուսումնական կամ հետազոտական հաստատություններում: Կրթաթոշակները ֆինանսավորվելու են Բրազիլիայի կրթության նախարարության, գիտական և տեխնոլոգիական զարգացման ազգային խորհրդի և գիտության և տեխնոլոգիայի նախարարության կողմից:

2011թ. նոյեմբերի 2-ին, 3-ին, 4-ին, 7-ին և 8-ինժամը 16:00-ին ԵՊՀ Իրավագիտության ֆակուլտետի դատական նիստերի դահլիճում կկայանա միջֆակուլտետային սեմինար-քննարկումների ցիկլ Ընտանեկան իրավունքի արդիական հարցերի շուրջ:Իրավագիտության ֆակուլտետի ՈՒԳԸ անդամները հանդես կգան դասախոսություններով այնպիսի թեմաներով, ինչպիսին են "Ընտանիքը`որպես պատմական երևույթ", "Ամուսնության վավերության ու անվավերության պայմանները", "Ամուսնալուծություն", "Որդեգրում", "Ալիմենտային պարտավորություններ":

Նոյեմբերի 5-ին` ժամը 11:00-ին Հայ-ռուսական (սլավոնական) համալսարանում մեկնարկում է "Ե դարի հայ պատմագրությունը" միջազգային գիտաժողովը , որը կազմակերպել են Հայ-ռուսական (սլավոնական) համալսարանը, Երևանի պետական համալսարանի հայոց պատմության ամբիոնը և Օքսֆորդի համալսարանը: Գիտաժողովին մասնակցում են անվանի հայագետների ԵՊՀ-ի հայոց պատմության ամբիոնից, ՀՌՀ-ից, ՀՀ ԳԱԱ Մ.Աբեղյանի անվ. գրականության ինստիտուտից, Օքսֆորդի, Կալիֆոռնիայի Լոս-Անջելեսի (UCLA) , Փարիզի, Ժնևի համալսարաններից:

ThinkQuest Competition 2012 միջազգային մրցույթը, որը հովանավորվում է Oracle Education Foundation կրթական ֆոնդի կողմից, բաց է աշխարհի բոլոր սովորողների համար: Մրցույթն առաջարկում է մինչև 22 տարեկան աշակերտներին և ուսանողներին, մրցել միմյանց հետ իրական պրակտիկ խնդիրների լուծման գործում` օգտագործելով ստեղծագործ մտածելակերպը, հաղորդակցությունը և տեխնիկական գիտելիքները` որակավորումներ, որոնք անհրաժեշտ են XXI դարում: Դպրոցների, քոլեջների և ԲՈՒՀ-երի ուսանողները, դասավանդողի ղեկավարությամբ, կարող են ներկայացնել մրցույթին լուծումներ 2 նոմինացիաներով` թվային մուլտիմեդիա և հավելվածների մշակում, որոնք իրականացվել են տարբեր տեխնոլոգիաների օգտագործմամբ, ներառյալ ինտերակտիվ հավելվածներ, առցանց խաղեր, web-կայքեր, ֆոտոռեպորտաժներ, ամսագրեր/բլոգեր, շոուներ, անիմացիաներ, վիդեոներ:

Հայաստանի ամերիկյան համալսարանի իրավաբանության բաժանմունքի, "Միջազգային բանտային բարեփոխումներ" կազմակերպության և ԱՄՆ պետքարտուղարության աջակցությամբ 2011թ. նոյեմբերի 4-6-ին, Երևանում կազմակերպվում է "Հոգեբանության և իրավունքի խաչմերուկները" խորագրով միջազգային կոնֆերանս: Կոնֆերանսն ընդհանուր քննարկման դաշտ է հրավիրում հոգեբանության տարբեր բնագավառների, իրավունքի, քրեաբանության, սոցիոլոգիայի և հարակից ոլորտների գիտնականների և պրակտիկ մասնագետների:

2011թ.նոյեմբեր ամսին "Գիտակների հայկական ասոցիացիա" և "Քաղաքացիական ծառայողների ասոցիացիա" հասարակական կազմակերպությունները ՀՀ կրթության և գիտության նախարարության աջակցությամբ կազմակերպում են "Բրեյն-ռինգ" ինտելեկտուալ խաղի "ՀՀ վարչապետի գավաթ" մրցաշարը զանգվածային լրատվամիջոցները ներկայացնող թիմերի միջև: Մրցաշարին կարող են մասնակցել Հայաստանի Հանրապետությունում գրանցված և գործող թերթերի, ամսագրերի, հեռուստաընկերությունների, ռադիոընկերությունների և լրատվական ուղղվածության ինտերնետային կայքերի աշխատակիցներից կազմված հավաքական թիմերը, ընդ որում` մեկ կազմակերպությունը կարող է ներկայացնել միայն մեկ թիմ:

"Անտոնիո Մենեգետի" գիտական ֆոնդը և "Alma Mater" (Բարձրագույն դպրոցի լրագիր) գիտական ամսագիրը հայտարարում են լավագույն գիտական հրապարակման միջազգային մրցույթի մեկնարկման մասին` օնտոհոգեբանության բնագավառում գիտական հետազոտությունների արդյունքների հիման վրա: Մրցույթը տեղի կունենա 2011 թ հոկտեմբերի 1-ից մինչև 2012 թ մարտի 15-ը: Գիտական հրապարակումները ընդունվում են հետևյալ ուղղություններով` սոցիալ-հումանիտար գիտություններ և տնտեսագիտություն, բնական գիտություններ, մշակույթ:

Հայաստանի Հանրապետության կրթության և գիտության նախարարությունը 2011 -2012 ուսումնական տարվա համար իրականացնում է օտարերկրացի և սփյուռքահայ դիմորդների փաստաթղթերի ընդունում` Հայաստանի Հանրապետության բարձրագույն ուսումնական հաստատություններ ու գիտահետազոտական հիմնարկներ ընդունվելու համար.
1/ պետության կողմից ուսանողական նպաստների ձևով ուսման վարձի լրիվ փոխհատուցմամբ /անվճար/ առկա ուսուցմամբ բակալավրիատի կրթական ծրագրով ուսանելու համար` ս.թ հուլիսի 6-ից մինչև օգոստոսի 24-ը ներառյալ,
2/ նախապատրաստական բաժնում ուսանելու համար` ս.թ հուլիսի 6-ից մինչև նոյեմբերի 11-ը ներառյալ,
3/հետբուհական ծրագրերով ուսանելու համար` հուլիսի 6-ից մինչև նոյեմբրի 11 –ը, իսկ հեռակա բաժիններում ուսանելու համար հուլիսի 6-ից մինչև ս.թ. սեպտեմբերի 20-ը ներառյալ: