Նորություններ
Նորություններ
10.11.2011
ՀՀ կրթության և գիտության նախարարությունը, ՀՀ արտակարգ իրավիճակների նախարարությունը, "Աղետների ռիսկի նվազեցման ազգային պլատֆորմ" հիմնադրամը (ԱՌՆԱՊ) և Ճգնաժամային կառավարման պետական ակադեմիան հայտարարում են "Դպրոցների աղետներին պատրաստվածության պլանի մշակում" թեմայով մրցույթ` Հայաստանի Հանրապետությունում գործող հանրակրթական դպրոցների համար: Մրցույթի կազմակերպմանը և անցկացմանն աջակցում են ՄԱԿ-ի մանկական հիմնադրամը, Առողջապահության համաշխարհային կազմակերպության հայաստանյան գրասենյակը, ՄԱԿ-ի զարգացման ծրագիրը, Վորլդ Վիժն Հայաստան, Փրկեք Երեխաներին, Բրիտանական Օքսֆամ կազմակերպության հայաստանյան գրասենյակը և Հայկական Կարմիր խաչի ընկերությունը:
09.11.2011
Նոյեմբերի 10-ին, ժամը 930-ին Համահայկական երիտասարդական հիմնադրամի տարածքում կմեկնարկի "Ես կարող եմ աշխատել" խորագրով միջոցառումը, որի շրջանակում կկազմակերպվի մասնագիտական հմտությունների օլիմպիադա և ՄԿՈՒ մասնագիտական կարողությունների ցուցադրություն (էքսպո)։Նախատեսված օլիմպիադայի շրջանակում մրցելու են "խոհարար", "հյուսն, ատաղձագործ" և "դերձակ-մոդելավորող" որակավորումների երեք թիմերը, իսկ մասնագիտական կարողությունների ցուցադրությունն անցկացվելու է "Փայտի գեղարվեստական փորագրող", "Հասարակական սնունդ", "Գորգագործ", "Քարի գեղարվեստական փորագրող", "Խեցեգործական գեղարվեստական իրեր պատրաստող", "Մանրանկարիչ", "Գեղանկարչություն", "Դարբին-դրոշմող", "Զարդակիրառական արվեստ", "Թարգմանիչ-սպասարկման կազմակերպիչ", "Ոսկերիչ" և "Դերասանական արվեստ" որակավորում ստացող ուսանողների կողմից։
09.11.2011
Ակադեմիքս Թիմ ընկերությունը կազմակերպում է մասնագիտական վերապատրաստման դասընթաց "Սուպերմարկետի կառավարում" թեմայով։ Դասընթացը տեղի կունենա սույն թվականի նոյեմբերի 17-19-ը, ժամը 15:00-17:00-ը: Դասընթացն ունի ժամանակակից ինտերակտիվ բնույթ և ներկայացվում է PPT ծրագրի ֆորմատով, տեղական և միջազգային սուպերմարկետների ցուցադրությամբ։ Հանդիպումների ժամանակ մասնակիցներին կտրամադրվի հատուկ գրանցման մասնագիտական նյութեր և տերմինաբանական բառարան։ Դասընթացի աշխատանքային լեզուն հայերենն է:
09.11.2011
Քաունթերփարթ ինթերնեշնլ կազմակերպության հայաստանյան ներկայացուցչությունը հրավիրում է մասնակցելու իր` պետական մարմինների և քաղաքացիական հասարակության կազմակերպությունների միջև համագործակցության դրամաշնորհային ծրագրին: Այս դրամաշնորհային ծրագրի նպատակն է` բարձրացնել պետական մարմինների գործունեության թափանցիկությունը, նպաստել հաշվետվողականությանը և քաղաքացիների խնդիրներին արձագանքմանը: Յուրաքանչյուր դրամաշնորհային ծրագրի բյուջեն չպետք է գերազանցի 5 500 000 ՀՀ դրամը և կարող է օգտագործվել առաջարկվող ծրագրի վարչական, մարդկային ռեսուրսների և ծրագրային ծախսերի համար: Քաունթերփարթն ակնկալում է յուրաքանչյուր դիմող կազմակերպության ներդրումը` առնվազն 20%-ի չափով: Ներդրումները կարող են լինել դրամական կամ ոչ-դրամական:
08.11.2011
2011թ. նոյեմբերի 14-18-ը ՀՀ սփյուռքի նախարարությունը և Ճարտարապետների և շինարար-ճարտարագետների համահայկական ընկերակցությունը Երևանում կազմակերպում են Ճարտարապետների և շինարար-ճարտարագետների համահայկական ընկերակցության համակարգող խորհրդի ընդլայնված նիստ, "Երևանյան Բիեննալե-2011" համահայկական ճարտարագիտական մրցույթ-ցուցահանդես և "Ճարտարապետա-քաղաքաշինական մտավոր ժառանգության պահպանության խնդիրներն ու զարգացման հեռանկարները" խորագրով գիտաժողով, որը տեղի կունենա սույն թվականի նոյեմբերի 14-18-ը:
08.11.2011
Ակադեմիքս Թիմ ընկերությունը կազմակերպում է մասնագիտական վերապատրաստման դասընթաց "Մերչենդայզինգի հիմունքները" թեմայով։ Դասընթացի ընթացքում մասնակիցները կուսումնասիրեն` Մերչենդայզինգի հիմունքները, մասնավորապես մերչենդայզինգի նպատակները և խնդիրները արտադրող ընկերության, վաճառակետի և գնորդի տեսանկյունից, Մերչենդայզինգի տեղական և միջազգային զարգացումները, Մերչենդայզինգի կառավարման համակարգի առանձնահատկությունները, Մերչենդայզինգի կիրառումը ըստ առևտրային վայրերի տեսակների, Ապրանքների դասավորության կանոնները, Ապրանքների վաճառքի խթանման տեխնոլոգիաները և միջոցառումները: Դասընթացն ամբողջությամբ ինտերակտիվ է և ներկայացվում է PPT ծրագրի ֆորմատով, տեղական և միջազգային առևտրային կետերի ցուցադրությամբ։ Հանդիպումների ժամանակ մասնակիցներին տրամադրվում է հատուկ գրանցման մասնագիտական նյութեր և տերմինաբանական բառարան։ Դասընթացի լեզուն`հայերեն:
08.11.2011
Yggdrasil ծրագիրը առաջարկվում է Նորվեգիայի Հետազոտական խորհրդի կողմից (The Research Council of Norway)` նորվեգացի և ատարերկրյա գիտնականների միջև միջազգային գիտական և ակադեմիական կապերի ամրապնդման նպատակով: Yggdrasil գրանտերը տրամադրվում են ասպիրանտներին և երիտասարդ գիտնականներին` Նորվեգիայում գիտական հետազոտական ծրագրերին մասնակցելու համար: Ծրագիրը բաց է ցանկացած գիտական ուղղությունների բնագավառում: Ծրագրի տևողությունը 3-12 ամիս է: Ծրագիրը կմեկնարկի 2012թ օգոստոս ամսից:
07.11.2011
Մամուլի աջակցության "Ինտերնյուս" հասարակական կազմակերպությունը "Լրատվության այլընտրանքային ռեսուրսներ" ծրագրի շրջանակում հայտարարում է մրցույթ՝ "Ընտրությունների լուսաբանման մուլտիմեդիա գործիքները" թեմայով դասընթացին մասնակցելու համար։ Դասընթացն անցկացվելու է 2011թ-ի նոյեմբերի 28-ից դեկտեմբերի 2-ը։ Այն վարելու են արտասահմանից հրավիրված խորհրդատուն ու տեղի մասնագետները։ Մասնակիցները ծանոթանալու են ընտրությունների լուսաբանման ժամանակակից մոտեցումներին ու մեթոդներին, ուսումնասիրելու են ընտրություններին վերաբերող ինտերակտիվ նախագծեր, սովորելու են իրենց աշխատանքում համադրել նոր և ավանդական մեդիաներն ու կիրառել մուլտիմեդիա գործիքները:
07.11.2011
ՀՌԿԿ-Հայաստանը, Երևանի պետական համալսարանը և Հայաստանի ամերիկյան համալսարանը հրավիրում են ունկնդրելու "Միջուկային տեխնոլոգիաների փոխանցումներն աշխարհում և դրա հետևանքները կովկասյան տարածաշրջանի համար" խորագրով դասախոսությունը, որր կվարի Դր. Մեթյու Քրոնիգը (Ջորջթաունի համալսարան, ԱՄՆ): Դասախոսությունը տեղի կունենա սույն թվականի նոյեմբերի 18-ին, ժամը 14:00 – 15:30: Դասախոսության աշխատանքային լեզուն` անգլերեն` համընթաց թարգմանությամբ հայերենի:
07.11.2011
Սույն թվականի դեկտեմբերի 10-ին կանցկացվի ICLAW-ի երկրորդ տարեկան համաժողովը` "Փակ սահմանների իրավաչափության հիմնահարցը ժամանակակից միջազգային իրավունքի տեսանկյունից" խորագրով:
