Նորություններ

Սույն թվականի նոյեմբերի 17-21-ը Սանկտ-Պետերբուրգի պետական համալսարանում կանցկացվի բնագիտական գիտությունների միջազգային II ուսանողական մրցույթ: Այս անգամ մրցույթը կանցկացվի նոր չափաձևով` մրցույթին կարող են մասնակցել թիմեր, որոնք կազմավորված են բնագիտական թեքում ունեցող ուսանողների կողմից: Մրցույթի առաջադրանքները վերաբերվում են քիմիային, ֆիզիկային, կենսաբանությանը:

ОПТЭК կազմակերպությունը հայտարարում էբարձրագույն ուսումնական հաստատությունների և գիտահետազոտական կենտրոնների երիտասարդ գիտնականների խրախուսման գրանտային ծրագրի մրցույթի մեկնարկման մասին: Մրցույթինկարող են մասնակցել ուսանողներ, ասպիրանտ դասավանդողներ, գիտական աշխատողներ` մինչև 35 տարեկան, ովքեր մասնակցում են գիտական և դասավանդման գործունեության` կենսաբանության, բժշկության, քիմիայի, նյութաբանության, երկրաբանության, ֆիզիկայի և նանոտեխնոլոգիայիբնագավառում:

Orange-ը Հայ Գրքի Կենտրոնի հետ իրականացնում է "Orange գրքի մրցանակ 2011" ամենամյա գրքի մրցույթը: Մրցույթի նպատակն է խթանել ընթերցանության հանդեպ հետաքրքրությունը, օգնել ժամանակակից հայ գրողներին ճանաչվել ընթերցասեր հանրության կողմից և բացահայտել նրանց գրական ստեղծագործությունները: Մրցույթի հաղթողները կհայտարարվեն նոյեմբերի 11-ին կայանալիք մրցանակաբաշխության ժամանակ, իսկ յուրաքանչյուր ժանրում հաղթող ճանաչված ստեղծագործությունը կտպագրվի 500 տպաքանակով: Ովքեր կարող են մասնակցել

Քաունթերփարթ ինթերնեշնլ կազմակերպության հայաստանյան ներկայացուցչությունը հրավիրում է քաղաքացիական հասարակության խմբերին դիմում-հայտեր ներկայացնել Համայնքային և կամավորական նախաձեռնությունների խրախուսման դրամաշնորհային ծրագրի շրջանակներում: Համայնքային և կամավորական նախաձեռնությունների խրախուսման դրամաշնորհային ծրագրի նպատակն է` օժանդակել քաղաքացիական հասարակության կառույցներին և խմբերին համայնքների զարգացմանն ուղղված նորարար ծրագրեր և նախաձեռնություններ իրականացնելու, համայնքներում խթանել կամավորական գործունեությունը:

Թբիլիսիի Լրագրության և մեդիա մենեջմենթի կովկասյան դպրոցը, որը հայտնի է GIPA (Georgian Institute of Public Affairs/Վրաստանի հանրային կապերի ինստիտուտ) անվամբ, հայտարարում է հայ ուսանողների ընդունելություն 4-ից 5 տեղերի համար: Անգլերեն լեզվով մագիստրական ծրագրի տևողությունը 2 տարի է` 2011թ-ի հոկտեմբերից մինչև 2013թ-ի մայիսը և բաղկացած է 4 կիսամյակից: Ուսման տևողությունը Թբիլիսիում մեկ տարի է: Դիմումների ընդունման վերջնաժամկետը 2011 թ. սեպտեմբերի 30-ը: Թբիլիսիի Լրագրության և մեդիա մենեջմենթի կովկասյան դպրոց այս տարի կընդունվեն 20 ուսանողներ Կովկասից և Կենտրոնական Ասիայից: Ուսումնական ծրագիրը հիմնված է պրակտիկ, փորձարարական մոտեցման վրա` կիրառելով փաստերի վրա հիմնված, պրոֆեսիոնալ լրագրության նորագույն մեթոդներ ինչպես տպագիր, այնպես էլ հեռարձակվող մամուլի համար: Ուսանողները կարող են օգտվել համակարգչային լաբորատորիայից, համացանցից, ֆոտո, աուդիո և վիդեո սարքավորումներից և լրագրողական գրադարանից: Ուսանողները կհրատարակեն ուսանողական թերթ և բլոգ, ինչպես նաև կպատրաստեն նյութեր` GIPA FM Radio-ի համար:

"Հոգեբանության և իրավունքի խաչմերուկները" խորագրով Միջազգային Կոնգրեսի նպատակն է քննարկել հոգեբանության և իրավունքի փոխկապվածության հիմնախնդիրները իրավաբանական, սոցիալական, տարիքային և մանկավարժական հոգեբանության, իրավունքի, քրեաբանության, սոցիոլոգիայի և այլ գիտակարգերի համատեքստում, ինչպես նաև մշակել հոգեբանական գիտության և իրավունքի տարբեր բնագավառների միջև արդյունավետ համագործակցության կոնցեպցիա, դիտարկել հոգեբանական դրույթների ներդրման հիմնահարցերը հասարակական և իրավական ինստիտուտների համակարգ: Կոնգրեսի գլխավոր կազմակերպիչն է Խ.Աբովյանի անվան Հայկական Պետական Մանկավարժական Համալսարանը: Դեռևս 1980-ական թվականներից ՀՊՄՀ Հոգեբանության և սոցիալական մանկավարժության ֆակուլտետը արդեն գրեթե երկու տասնամյակ ապահովում է բարձր որակ իրավաբանական հոգեբանության մասնագիտացման ոլորտում: Ֆակուլտետը սերտորեն համագործակցում է ՀՀ Արդարադատության նախարարության, քրեակատարողական հիմնարկների, Ոստիկանության համակարգի հետ:

Վիեննայի համալսարանի Մաքս Ֆերդինանտ Պերուցի անվան լաբորատորիան (Max F. Perutz Laboratories, MFPL, University of Vienna) հրավիրում է մոլեկուլային կենսաբանության և հարակից բնագավառների ոլորտում մասնագիտացած երիտասարդ գիտնականներին մասնակցելու ասպիրանտուրայում սովորելու համար կրթաթոշակային մրցույթին: Ծրագիրը հասանելի է նրանց համար, ովքեր ունեն մագիստրոսի դիպլոմ կենսաբանության, քիմիայի և հարակից բնագավառներում, ինչպես նաև ուսանողների համար, ովքեր պլանավորում են ստանալ մագիստրոսկան դիպլոմ մինչև 2012 թվականի հունիս ամիսը:

"Անտոն Դորն" Իտալական Կենդանաբանական կենտրոնը (Stazione Zoologica'Anton Dohrn' Naples Italy) հրավիրում է կենսաբանության բնագավառում մագիստրոսի կոչում ունեցող երիտասարդ մասնագետներին մասնակցելու ասպիրանտուրայում սովորելու համար կրթաթոշակային մրցույթին: Ծրագրի տևողությունը 3 տարի է` ասպիրանտուրայի մեկ տարով երկարացման հնարավորությամբ, եթե դա անհրաժեշտ է ավարտական աշխատանքի կատարման համար: Գրանտը կազմում է տարեկան 16,000 00€: Ծրագիրը կմեկնարկի 2011թ նոյեմբերի 1-ին:

Երևանի "Մխիթար Սեբաստացի" կրթահամալիրն աշխատանքի է հրավիրում մեդիալրագրության մասնագետի: Աշխատանքի նկարագրությունը.
- Ավագ դպրոցում "Մեդիալրագրություն" դասընթացի ծրագրի մշակում և իրականացում.
- Ավագ դպրոցի մեդիալրագրության խորացված ուսուցման սովորողների մասնագիտական փորձառության կազմակերպում գործող ԶԼՄ-ներում.
- Կրթահամալիրի սովորողների և ուսուցիչների միջոցով info-mskh լրատվական ծառայության, mskh.am կայքի սպասարկում և զարգացում:

2011 թ. սեպտեմբերին ՖԼԵՔՍ ծագրին դիմելու համար 2012-2013 ուսումնականտարվա մրցույթի դիմորդները պետք է դիմելու պահին սովորեն 9-րդ, 10-րդ, կամ 11-րդ դասարաններում (ոչ ավարտական դասարանում) և միաժամանակ ծնված լինեն 1994 թվականիմարտի 15-ից 1997 թվականի հուլիսի 15-ն ընկած ժամանակահատվածում, ունենան լավ կամ գերազանց առաջադիմություն, ունենան անգլերենի իմացություն, համապատասխանեն ԱՄՆ մուտքի արտոնագիր ստանալու պահանջներին, լինեն Հայաստանի Հանրապետության քաղաքացի և բավարարեն ՀՀ անձնագիր ստանալու պահանջներին: