Նորություններ

Ջերմուկում ավարտվեց «Գիտության զարգացման հիմնահարցերը Հայաստանի Հանրապետությունում» խորագրով եռօրյա գիտաժողովը, որը կազմակերպել էին ՀՀ կրթության և գիտության նախարարության գիտության պետական կոմիտեն և Երևանի ճարտարապետության և շինարարության պետական համալսարանը: Գիտաժողովի նպատակն էր գիտական հանրությանը ներկայացնել Գիտության պետական կոմիտեի երկամյա աշխատանքները և դրանցից ակնկալվող արդյունքները:

ՀՀ կրթության և գիտության նախարարությունը տեղեկացնում է, որ Հայաստանի Հանրապետության հանրակրթական բոլոր դպրոցներում ուսումնական գործընթացի վերջին օրը հայտարարվում է մայիսի 21-ը : Շնորհավորելով բոլոր շրջանավարտներին, մանկավարժներին, տնօրեններին և ծնողներին ուսումնական տարվա վերջին դասի կապակցությամբ` ՀՀ կրթության և գիտության նախարարությունը հիշեցնում է, որ այդ հիշարժան օրը պետք է նշել դպրոցին վայել հանդիսավորության շրջանակում:

2010թ. օգոստոսի 2-ից 20-ը, Լիեժի համալսարանի և Բելգիայի «Միջազգային Վալոնիա-Բրյուսել» (Wallonie-Bruxelles International-WBI) միջազգային հարաբերությունների պետական հաստատության նախաձեռնությամբ կազմակերպվում են ֆրանսերեն լեզվի դասընթացներ` նախատեսված ՀՀ հանրակրթական ոլորտում, որպես օտար լեզու, ֆրանսերեն դասավանդող մեկ ուսուցչի կամ ՀՀ բուհական համակարգում ֆրանսերենի ուսուցչի որակավորում ստացող մեկ ուսանողի համար:

ՀՀ կրթության և գիտության նախարարությունը և «Արևելյան և Կենտրոնական Եվրոպայի տարածաշրջանային ֆրանկոֆոն կենտրոնը» հայտարարում են մրցույթ` «Մասնագիտական ֆրանսերենի մեթոդաբանություն» և «Տեղեկատվական և հաղորդակցության տեխնոլոգիաների կիրառումը կրթության մեջ» թեմաներով վերապատրաստման դասընթացներին մասնակցելու համար: Դասընթացները տեղի կունենան համապատասխանաբար 2010թ. մայիսի 10-14-ին և 17-21-ը Սոֆիայում:

Հայաստանի Հանրապետության կրթության և գիտության նախարարությունը հայտարարում է մրցույթ՝ 2010-2011 ուսումնական տարում Ռուսաստանի Դաշնության բարձրագույն ուսումնական հաստատություններում բուհական /100 կրթաթոշակ/ և հետբուհական /15 կրթաթոշակ/ կրթություն ստանալու համար: Մրցույթին կարող են մասնակցել հանրակրթական դպրոցների և բուհերի շրջանավարտները կամ ավարտական դասարանում կամ կուրսում սովորող ՀՀ քաղաքացիները, ովքեր տիրապետում են ռուսերեն լեզվին:

Հայաստանի Հանրապետության կրթության և գիտության նախարարությունը հայտարարում է մրցույթ` 2010-2011 ուսումնական տարում Սիրիայի Արաբական Հանրապետության բարձրագույն ուսումնական հաստատություններում մագիստրոսական և ասպիրանտական / 8 կրթաթոշակ / կրթություն ստանալու համար, ինչպես նաև 30 կրթաթոշակ` արաբերեն լեզվի 10-ամսյա վերապատրաստման դասընթացներին մասնակցելու համար:

1857թ-ի Մարտի 8-ին Նյու-Յորքի տեքստիլային ֆաբրիկայի բանվորուհիներւ երթ կազմակերպեցին քաղաքի փողոցներով` բողոքելով ցածր աշխատավարձի ու աշխատանքահին ոչ բարենպաստ պայմանների համար: 

«ԾԻՐԱՆԻ» ՀԿ-ն վերսկսում է ԳՐԱԲԱՐԻ (հին հայերեն) յոթշաբաթյա դասընթացները: Ծրագրի նպատակն է մասնակիցներին ծանոթացնել մեր հնագույն լեզվի քերականական և ոճաբանական սկզբունքներին:

Ձեր պատվերով ավելացվել է նոր էլեկտրոնային գիրք անգլերեն լեզվով` Թեոդոր Դրայզեր, Ամերիկյան ողբերգություն (Theodore Dreiser, An American Tragedy)

Ձեր պատվերով ավելացվել է նոր էլեկտրոնային գիրք ռուսերեն լեզվով` Հենրի Քիսինջեր, Դիվանագիտություն (Генри Киссинджер, Дипломатия)