Նորություններ

Մրցույթում կընտրվեն մասնակիցների կողմից ուղարկված 10 լավագույն հոդվածները, որոնց հաղթողը կստանա հատուկ մրցանակ և դիպլոմ՝ անձամբ Ֆիլիպ Կոտլերի ձեռքերից, նաև կմասնակցեն երկրորդ թրեյնինգային սեսիային (Տնօրենների և Մենեջերների Ֆորում) անվճար, ինչպես նաև հնարավորություն տպագրել հոդվածը Մարքեթինգի Հայկական Ասոցիացիայի կողմից հրատարակվող "Հայկական Մենեջմենթի և Մարքեթինգի" պարբերականում, մեկ տարվա անվճար անդամագրության հնարավորություն ասոցիացիայում, ինչպես նաև 30% զեղչ Մարքեթինգի Հայկական Ասոցիացիայի կողմից անցկացվող բոլոր թրեյնինգների համար։ Երկրորդ և երրորդ տեղերը գրաված աշխատանքները կստանան խրախուսական մրցանակներ, կմասնակցեն երկրորդ թրեյնինգային սեսիային (Տնօրենների և Մենեջերների Ֆորում) անվճար, հնարավորություն տպագրել հոդվածը Մարքեթինգի Հայկական Ասոցիացիայի կողմից հրատարակվող "Հայկական Մենեջմենթի և Մարքեթինգի" պարբերականում, ասոցիացիայում մեկ տարվա անդամագրության 50% զեղչ և 20% զեղչ Մարքեթինգի Հայկական Ասոցիացիայի կողմից անցկացվող բոլոր թրեյնինգների համար: 4-10 տեղերը զբաղեցրած բոլոր հոդվածների հեղինակները կստանան երկրորդ թրեյնինգային սեսիային (Տնօրենների և Մենեջերների Ֆորում) մասնակցելու զեղչ 50% չափով։

ԵՊՀ ռոմանագերմանական բանասիրության ֆակուլտետի ուսանողական գիտական ընկերությունը հայտարարում <<Մենք 20 տարեկան ենք>> խորագրով ուսանողական ստեղծագործական շարադրությունների մրցույթ` նվիրված ֆակուլտետի 20-ամյակին: Շարադրությունների ծավալը` մինչև 2 տպագիր էջ:

Մրցույթում կընտրվեն մասնակիցների կողմից ուղարկված 3 լավագույն աշխատանքները (յուրաքանչյուր ամսվա հաղթողը), որոնք կստանան հատուկ մրցանակ և դիպլոմ՝ անձամբ Ֆիլիպ Կոտլերի ձեռքերից։ Մրցույթը կանցկացվի 3 փուլով՝ ամփոփումը՝ սեպտեմբերին, հոկտեմբերին և նոյեմբերին։ Մրցույթին ներկայացված 10 լավագույն աշխատանքների հեղինակները կստանան հնարավորություն մասնակցել չորրորդ թրեյնինգային սեսիային անվճար (Ուսանողական Ֆորում)։Լավագույն 20 աշխատանքների հեղինակները կստանան հնարավորություն մասնակցելու Ֆիլիպ Կոտլերի վարած թրեյնինգային սեսիաներին հատուկ զեղչերով (20%): Նոմինանտները կընտրվեն փուլ առ փուլ հեղինակավոր ժյուրիի մասնակցությամբ, որի կազմում կլինեն մարքեթինգի առաջատար մասնագետներ Հայաստանից և արտերկրից, ինչպես նաև Kotler Impact ընկերության ներկայացուցիչ։

ԵՊՀ ռոմանագերմանական բանասիրության ֆակուլտետը հայտարարում է գեղարվեստական (արձակ) թարգմանությունների մրցույթ` օտար լեզվից հայերեն: Մրցույթը նվիրված է ֆակուլտետի հիմնադրման 20-ամյակին: Թարգմանությունների մրցույթը հնարավորություն է տալիս մասնակիցներին արտահայտել իրենց թարգմանչական հմտությունները, ինչպես նաև մրցակցել իրենց ուժերով մյուս մասնակիցների հետ:

Կոպենհագենի համալսրանի հումանիտար ֆակուլտետը (Դանիա, University of Copenhagen) հայտարարում է ասպիրանտուրայում սովորելու համար գրանտերի մրցույթի մեկնարկման մասին: Ծրագրին կարող են մասնակցել երիտասարդ գիտնականներ, ովքեր անցել են մագիստրոսական ուսուցում (120 ECTS), ունեն մագիստրոսական կոչում կամ պատրաստվում են ստանալ այն մինչև 2012թ օգոստոսի 31-ը: Ասպիրանտուրայում սովորելու համար տրամադրվում են կրթաթոշակներ 8 ուղղություններով:

"Բի Էս Սի"-ն և "Պարադիգմա Արմենիա"-ն համատեղ կազմակերպում են հատուկ սեմինար հարց ու պատասխան ձևաչափով (ֆորմատով)` ծանոթանալու և քննարկելու ՀՀ Աշխատանքային օրենսգրքի փոփոխությունները: Սեմինարը նախատեսված է բոլոր հաշվապահների, կադրերի բաժնի ղեկավարների, կադրային բնագավառում աշխատող մասնագետների, իրավաբանների և տնօրենների համար: Սեմինարի արդյունքում մասնակիցները մանրամասն կծանոթանան ՀՀ Աշխատանքային օրենսգրքի փոփոխություններին և կստանան իրենց անհանգստացնող հարցերի պարզաբանումները օրենսգրքի բոլոր նորմատիվային ակտերի շուրջ:

Ակադեմիքս Թիմ ընկերությունը կազմակերպում է մասնագիտական վերապատրաստման դասընթաց "Մերչենդայզինգի հիմունքները" թեմայով։ Դասընթացի ընթացքում մասնակիցները կուսումնասիրեն Մերչենդայզինգի հիմունքները, մասնավորապես մերչենդայզինգի նպատակները և խնդիրները արտադրող ընկերության, վաճառակետի և գնորդի տեսանկյունից, Մերչենդայզինգի տեղական և միջազգային զարգացումները, Մերչենդայզինգի կառավարման համակարգի առանձնահատկությունները, Մերչենդայզինգի կիրառումը ըստ առևտրային վայրերի տեսակների, Ապրանքների դասավորության կանոնները, Ապրանքների վաճառքի խթանման տեխնոլոգիաները և միջոցառումները: Դասընթացը տեղի կունենա 3 օր, հոկտեմբերի 10-12-ը, ժամը15:00-17:00:

Atlas Corps –ը հանդիսանում է միջազգային կրթաթոշակային ծրագիր, որի նպատակն է հանդիսանում աջակցել ոչ կոմերցիոն սեկտորի ներկայացուցիչների մասնագիտական զարգացմանը: Ծրագիրը հնարավորություն է ընձեռում մասնագետներին ստանալ ոչ կոմերցիոն ծառայության փորձ ԱՄՆ-ի և Կոլումբիայի առաջատար կազմակերպություններում: Ծրագրի նպատակն է աջակցել լիդերների կայացմանը ոչ կոմերցիոն ոլորտում, ընդլայնել նրանց գիտելիքները, կիրառել նորարարություներ սոցիալ պրոբլեմների լուծման գործում, որը կօգնի այն կազմակերպություների ամրապնդմանը, որն իրենք ներկայացնում են: Ծրագրի տևողությունը 12 ամիս է:

Ծրագրերի իրականացման համար անհրաժեշտ գումարների հայթայթումը` այլ խոսքերով ֆանդրեյզինգը, հասարակական կազմակերպությունների ամենադժվար աշխատանքներից է, սակայն այն կարող է լինել հետաքրքիր և առավել արդյունավետ, երբ Ձեզ հայտնի են ֆանդրեյզինգի բոլոր գաղտնիքները: "Բի Էս Սի"-ն կազմակերպում է հատուկ դասընթաց, որտեղ խորհրդատու-դասընթացավարի օգնությամբ կարող եք ծանոթանալ ֆանդրեյզինգի ճիշտ կազմակերպման գաղտնիքներին: Դասընթացի արդյունքում դուք կծանոթանաք` ֆոնդերի հայթայթման հիմանական սկզբունքներին; դոնոր կազմակերպություների տիպաբանությանը; ինչպես արդյունավետ հաղորդակցվել նրանց հետ; դրամաշնորհային առաջարկների համար անհրաժեշտ փաստաթղթերի փաթեթներին` առանձնակի ուշադրություն դարձնելով ծրագրերի տրամաբանական աղյուսակներին (logframe); ինչպես նաև գործնական աշխատանքի ընթացքում կոնկրետ օրինակների վրա կկազմվեն և կքննարկվեն կոնկրետ դրամաշնորհային առաջարկներ և ծրագրեր: Դասընթացը տեղի կունենա հոկտեմբերի 20-22, 18:30-21:30:

Հայկական սահմանադրական իրավապաշտպան կենտրոնը (ՀՍԻԿ) ՄԱԿ-ի Փախստականների հարցերով գերագույն հանձնակատարի հայաստանյան գրասենյակի աջակցությամբ, հայտարարում է շարադրության մրցույթ "ՖրիտյոՖ Նանսենը` որպես Ազգերի լիգայի Փախստականների հարցերով առաջին Գերագույն հանձնակատար" թեմայով, հայ ժողովրդի մեծ բարեկամի ծննդյան 150-ամյա տարեդարձի առթիվ: Մասնակցել կարող են Հայաստանի հանրակրթական դպրոցների 14-16 տարեկան աշակերտները: Մրցույթի առաջին փուլում ընտրված լավագույն 20 շարադրությունների հեղինակները կհրավիրվեն ՀՍԻԿ Կրթամշակութային կենտրոն (ք. Վանաձոր) մրցույթի երկրորդ փուլին մասնակցելու համար: Երկրորդ փուլում կլինեն թեստային հարցեր և ստեղծագործական առաջադրանք, բովանդակությամբ ընդգրկելով Նանսենի կյանքն ու նվիրվածությունը փախստականների խնդիրների լուծմանը: