Նորություններ
Նորություններ
13.10.2011
Այս դասընթացն անդրադառնում է ժամանակակից գնումների գործընթացների համապարփակ սկզբունքների և մեթոդների հաջող եւ արդյունավետ կառավարմանը: Ուշադրությունը դրվում է իհարկե հայկական շուկայի եւ օրենսդրության առանձնահատկություններին, շեշտը դնելով Գնումների մասին նոր օրենքի վրա, որը հաստատվեց հունվարի 01, 2011 թ: Դասընթացը կօգնի մասնակիցներին հասկանալ տարբեր գնումների ոլորտում ուղիներն ու հնարավորությունները, ռիսկերի նվազեցնելու հմտությունները: Ուշադրություն է դարձվում գնումների կազմակերպմանը, իրականացմանը և մոնիտորինգին, որոնք առկա են հայկական և օտարերկրյա խոշոր կազմակերպություններում:
13.10.2011
Ցանկանում եք աշխատել որևէ Բանկում, Վարկային կազմակերպությունում, կամ զարգացնել Ձեր գիտելիքներն ու հմտությունները վարկավորման միջազգային լավագույն տեխնոլոգիաների կիրառմամբ, ապա մասնակցեք "Բի Էս Սի"-ի կողմից իրականացվող այս պատրաստական դասընթացին: Դասընթացը նախատեսված է տնտեսագիտական կրթություն ուենցող անձանց, ֆինանսական, հաշվապահության, վարկային և այլ բնագավառներում աշխատող մասնագետների, ինչպես նաև բոլոր նրանց, ում հետաքրքրում է վարկունակության գնահատման, վարկավորման մեթոդաբանության ու ընթացակարգերին վերաբերող հարցերը: Դասընթացի արդյունքում մասնակիցները կծանոթանան` ներկայումս Բանկերում և Վարկային կազմակերպություններում գործող վարկային հայտերի ուսումնասիրության, վարկունակության գնահատման, վարկերի փաստաթղթավորման, մոնիտորինգների, վարկային պորտֆելի կառավարման մեթոդներին և կանոնակարգերին:
13.10.2011
Եվրասիայի և Միջին Ասիայի ուսանողների փոխանակման համաշխարհային ծրագիրը (Գլոբալ ՅՈՒԳՐԵԴ) հնարավորություն է տալիս նախկին Սովետական միության երկրների բուհերի ուսանողներին մեկ ուսումնական տարի սովորել ԱՄՆ-ում` առանց կրթական աստիճան ստանալու: Մասնակիցները ընտրվում են բաց և ազատ մրցույթի սկզբունքով: Ծրագիրը հաղթած ուսանողները մեկ ուսումնական տարի սովորում են ԱՄՆ-ի համալսարաններում կամ համայնքային քոլեջներում, ինչն էլ հնարավորություն է տալիս ընդլայնել Ամերիկայի միացյալ նահանգների վերաբերյալ իրենց պատկերացումների շրջանակը և կիսել իրենց երկրների պատմությունն ու մշակութային գիտելիքները այդ երկրի քաղաքացիների հետ: Ըստ Գլոբալ ՅՈՒԳՐԵԴ ծրագրի պահանջների` մասնակիցները ուսումը շարունակում են իրենց հայրենիքում, կիսում են ԱՄՆ-ում ձեռք բերած իրենց գիտելիքներն ուրիշների հետ ու նպաստում իրենց համայնքների զարգացմանը: Եվրասիայի և Միջին Ասիայի երկրներում հայտարարված Գլոբալ ՅՈՒԳՐԵԴ ծրագիրը ԱՄՆ-ի պետական քարտուղարության կրթական և մշակութային հարցերի բաժնի ծրագրերից է:
12.10.2011
Կրթական տեխնոլոգիաների ազգային կենտրոնը "Հայկական կրթական միջավայր" պորտալին կից գործող "Հեռավար ուսուցում" համակարգում դպրոցների աշակերտների և ուսուցիչների համար կազմակերպում է "CorelDRAW գրաֆիկական խմբագրիչ ծրագրի ուսուցում" հեռավար դասընթացը, որը կանցկացվի հոկտեմբերի 24-ից մինչև դեկտեմբերի 16-ը (ութ շաբաթ)։ Մասնակցել ցանկացողները կարող են մինչև հոկտեմբերի 17-ը ուղարկել մասնակցության լրացված հայտը։
12.10.2011
Մտահոգված երեխաների իրավունքների պաշտպանության հիմնահարցերով և առկա խնդիրները վերհանելու նպատակով՝ ՀՀ Մարդու իրավունքների պաշտպանը հայտարարում է երեխաների իրավունքների պաշտպանության իրականացման ոլորտում իրավիճակը ներկայացնող հետաքննական նյութերի և/կամ հոդվածների մրցույթ` "Կոռուպցիոն երևույթները և թերացումները Խնամակալության և հոգաբարձության մարմիններում" ու "Մուրացիկ և անօթևան երեխաների ճակատագրերը" թեմաներով: Մանրամասները մրցույթի վերաբերյալ կայքում:
12.10.2011
Էդմունդ Ս. Մասկիի անվան կրթաթոշակների ծրագիրը հնարավորություն է տալիս երիտասարդներին Եվրասիական երկրներից գալ ԱՄՆ` տարբեր ուսումնական հաստատություններում մագիստրական մեկամյա կամ երկամյա ծրագրով ուսանելու նպատակով: Մասնակցելով դասընթացներին, մասնագիտական պրակտիկային և համայնքային ծառայության աշխատանքներին` ծրագրի մասնակիցները սերտորեն առնչվում են ամերիկացիների հետ, ինչպես նաև անմիջական կապեր են հաստատում ամերիկյան համալսարանների, գործարար ոլորտի ներկայացուցիչների, հանրային ծառայություններ մատուցող կազմակերպությունների, դպրոցների և այլ հաստատությունների հետ, ինչը հնարավորություն է ընձեռում նրանց խորապես ընկալելու այնպիսի ամերիկյան արժեքներ և գաղափարներ, ինչպիսին է ժողովրդավարությունը, իսկ այնուհետև վերադառնալ հայրենիք և օգտագործել ստացած գիտելիքներն ու փորձը ի շահ հայրենի երկրի:
11.10.2011
Սույն թվականի հոկտեմբերի 15-ին, ժամը 2:00-3:00-ին, Երևանի Ամերիկյան համալսարանում տեղի կունենա սեմինար-ծանոթություն Ֆիշեր ավարտական ծրագրի մասին Օհայո համալսարանի Ֆիշեր բիզնեսի դպրոցում, որը Միացյալ Նահանգների 25 բիզնես դպրոցների առաջատարներից է: Մագիստրոսի կոչումը միշտ հանդիսանում է ցանկալի պայման կարիերայի կառուցման համար ցանկացած մասնագիտության ոլորտում:
11.10.2011
"Բի Էս Սի"-ն հրավիրում է մասնավոր ձեռնարկությունների, հասարակական և միջազգային կազմակերպությունների մարդակային ռեսուրսների (ՄՌ) ղեկավարներին, ՄՌ բաժինների մասնագետներին և բարձր օղակների ղեկավարներին, որոնք ցանկանում են ՄՌ կառավարման բնագավառում իրենց որոշումներն ու գործառույթները դարձնել ավելի արդյունավետ և ճշգրիտ, մասնակցելու երկարաժամկետ դասընթացին` բաղկացած հետևյալ հինգ փուլերից` Արդյունավետ և համակարգված հարցազրույցներ, Գործառույթներ և գործընթացներ, Մոտիվացիա, Կոնֆլիկտների կառավարում, Անձնակազմի գնահատում:
11.10.2011
Մրցույթում կընտրվեն մասնակիցների կողմից ուղարկված 3 լավագույն հոդվածները, որոնց հաղթողը կստանա հատուկ մրցանակ և դիպլոմ՝ անձամբ Ֆիլիպ Կոտլերի ձեռքերից։ Մրցույթի հաղթողները` 3 լավագույն աշխատանքների հեղինակները, կմասնակցեն երրորդ թրեյնինգային սեսիային (Գիտելիքների Ֆորում) անվճար։ Մրցույթի մյուս 7 հավակնորդները կստանան հատուկ զեղչ (20%) Ֆիլիպ Կոտլերի սեմինարների մասնակցության համար: Հավակնորդերը կընտրվեն փուլ առ փուլ հեղինակավոր ժյուրիի մասնակցությամբ, որի կազմում կլինեն մարքեթինգի առաջատար մասնագետներ Հայաստանից և արտերկրից, ինչպես նաև Kotler Impact ընկերության ներկայացուցիչ։ Մրցույթին ուղարկվող գիտահանրամատչելի հոդվածների ներկայացման պայմաններն ու ժամկետները։
10.10.2011
"Высшая Школа Экономики" (Ռուսաստան, Մոսկվա) ազգային հետազոտական ինստիտուտը հրավիրում է ԱՊՀ և Բալթիկ երկրների ուսանողներին մասնակցելու գիտահետազոտական աշխատանքների ամենամյա մրցույթին: Մրցույթի հիմնական նպատակն է հանդիսանում գիտահետազոտական աշխատանքի խթանումը, տաղանդավոր և ստեղծագործող ուսանողների ինքնաարտահայտումն ու աջակցումը: Մրցույթն անցկացվում է տնտեսագիտության, իրավագիտության, սոցիոլոգիայի, պոլիտոլոգիայի, հոգեբանության, փիլիսոփայության, մշակութաբանության, ժուռնալիստիկայի և այլ բնագավառներում:
