Նորություններ
Նորություններ
17.11.2011
"Ալրակիս"-ը Կովկասի բոլոր երկրների ուսանողներին հնարավորություն է ընձեռում նորարարական գիտահետազոտական աշխատանքներ իրականացնել: Ծրագրի հիմնական նպատակն է իրականացնել ուսանողների եւ դասավանդող անձնակազմի փոխանակումները` հաշվի առնելով գիտության մեջ բազային պրակտիկան ներկայացնելու ընթացքում վերջիններիս որակական ցուցանիշները, միավորել արդյունաբերության եւ կրթության ոլորտները: Եվրոպական եւ Կովկասյան երկրների միջեւ երկարատեւ համագործակցության արդյունքում հաստատված կայունությունը եւ փորձի տարածումը կհանգեցնեն նոր ծրագրերի եւ գիտահետազոտական մտահաղացումների: Ծրագիրը լայնապես կտարածվի ընտրված համագործակցող կողմերի միջոցով, ինչի շնորհիվ հնարավոր կլինի ընդգրկել բացառիկ մագիստրոսներ եւ ասպիրանտներ: Ծրագրի տեւողությունը 48 ամիս է` 2011 թ-ի հուլիսի 15-ից մինչեւ 2015 թ-ի հուլիսի 14-ը: 2011 թ-ի դեկտեմբերից կսկսվի դիմումների ընդունման գործընթացը, որը կտեւի ամենաքիչը 45 օր:
17.11.2011
Հայաստանի երիտասարդ կանանց ասոցիացիան (ՀԵԿԱ) իրականացնում է "Կանանց ձեռներեցության զարգացում ՀՀ-ում" ծրագիրը: Ծրագիրը ֆինանսավորվում է ՀՀ-ում ԱՄՆ դեսպանության կողմից: Ծրագրի նպատակն է` խթանել կանանց տնտեսական մասնակցությունը ՀՀ-ում: Ծրագրի շրջանակներում կստեղծվի Կին ձեռներեցների ցանց, ինչպես նաև կհիմնվի Կին ձեռներեց դեսպանների ինստիտուտ: Կին ձեռներեցների ցանցում ընդգրկվելու են ձեռներեց կանայք, սկսնակ կին ձեռներեցներ (գործարարներ), սոցիալական ձեռներեցներ, ինչպես նաև տնտեսական մասնակցության ուղղությամբ աշխատանքներ տանող և այս թեմայով հետաքրքրվող ուսանողուհիներ: Ցանցը հնարավորություն կտա կին ձեռներեցներին գտնել նոր գործընկերներ, իրենց գործունեության մասին տեղեկացնել հասարակության ավելի լայն շրջանակներին, այդ թվում նաև արտերկրում, ծանոթանալ գործընկերների հաջողված փորձերին, միավորվելու շնորհիվ առավել լսելի դարձնել ոլորտի հիմնախնդիրները:
17.11.2011
Կառավարման տաղանդ դասընթացի նպատակն է տեղական ինքնակառավարման մարմինների ամրապնդման միջոցով բարելավել կենսապայմանները զարգացող և Արևելյան Եվրոպայի (ոչ ԵՄ) երկրներում: Այս դասընթացը հնարավորություն է տալիս զարգացող և անցումային երկրների տեղական ինքնակառավարման մարմիններում աշխատող հավակնոտ, երիտասարդ քաղաքացիական ծառայողներին մասնակցել Նիդերլանդներում կայանալիք միջազգային տաղանդների ծրագրին: Դասընթացի տևողությունը երեք շաբաթ է:
16.11.2011
Հայաստանում Ֆրանսիայի եւ Գերմանիայի դեսպանատների հրավերով Հայաստան է այցելելու գերմանական ծագումով ֆրանսիացի քաղաքագետ Ալֆրեդ Գրոսսերը, ով հանդես կգա «Ողբերգական անցյալ եւ կառուցողական հիշողություն. ֆրանս-գերմանական օրինակը կարո՞ղ է ընդհանրական լինել» թեմայով դասախոսությունով, որին հնարավորություն կունենան մասնակցելու հայաստանյան այլ բուհերի ու գիտական կառույցների ներկայացուցիչներ, ինչպես նաեւ թեմայով հետաքրքրված յուրաքանչյուր մարդ: Հանդիպումը տեղի կունենա նոյեմբերի 18-ին` ժամը 15.00-ին, ԵՊՀ կենտրոնական մասնաշենքի մեծ դահլիճում (Ալեք Մանուկյան 1, Կենտրոնական մասնաշենք, 2-րդ հարկ):
16.11.2011
Ինֆորմացիոն Տեխնոլոգիաների Ձեռնարկությունների Միությունը (ԻՏՁՄ) և "Orange Արմենիա" ընկերությունը հայտարարում են Համակարգչային խաղերի նախագծման Հայաստանի 2-րդ առաջնության մեկնարկը: Առաջնության շրջանակում մասնակիցները պետք է ներկայացնեն իրենց կողմից նախագծված համակարգչային խաղերի դիզայնը, սցենարը և խաղերն ամբողջությամբ: Առաջնության նպատակներն են զարգացնել համակարգչային խաղերի նախագծման ոլորտը Հայաստանում, աջակցել երիտասարդներին դրսևորվել խաղերի բիզնես ոլորտում:
16.11.2011
Բաց հասարակության հիմնադրամներ-Հայաստանը /ԲՀՀ-Հայաստան/ հայտարարում է Երիտասարդությունը 21-րդ դարում Մեդիա ճամբարի անցկացման մասին: Ճամբարի մասնակիցները կստանան Նոր Մեդիա գործիքները դրական սոցիալական փոփոխությունների համար օգտագործելու հմտություններ: Երկու շաբաթների ընթացքում Մեդիա ճամբարի մասնակիցները կսովորեն բանավիճել, լրագրություն, վիդեո արտադրություն, ինտերնետային հաղորդակցություն:
15.11.2011
Եվրասիա միջազգային համալսարանը կազմակերպում է գիտաժողով նվիրված Հայաստանի անկախության քսանամյակին` "Հայաստանի Հանրապետության սոցիալ-տնտեսական զարգացման հիմնախնդիրները և առաջնահերթությունները" թեմայով: Գիտաժողովին կարող են ներկայացվել տնտեսական, սոցիալական, կրթական, քաղաքագիտական և իրավական ոլորտների հետազոտություններ, որոնքկարտացոլեն մեր երկրի անկախության քսան տարիների ձեռքբերումները ուբացթողումները, հետագա զարգացման հնարավորությունները և միտումները: Գիտաժողովի ընթացքում ներկայացված նյութերը կհրապարակվեն: Մասնակիցները` Գիտաժողովին մասնակցելու են հրավիրվում բուհերի և կրթականու գիտական կազմակերպությունների ուսանողներ ու դասախոսներ, գիտականաշխատողներ:
15.11.2011
"ԻՆՍԱՅԹ" կազմակերպությունը կազմակերպում է թրեյնինգ ստաժավորում աշխատանքի տեղավորման հնարավորությամբ Կրտսեր վեբ ծրագրավորողի համար, ով կծանոթանա ընկերությունում կիրառվող ծրագրավորման պրակտիկային և կմասնակցի տարբեր նախագծերի ծրագրավորման գործընթացներին: "ԻՆՍԱՅԹ"-ը վեբ կայքերի նախագծման և ինտերնետ մարքեթինգային ընկերություն է, որն իրականցնում է իր գործունեությունը սկսած 2006 թ.-ից: Կազմակերպության նպատակն է տրամադրել իր հաճախորդներին վաճառքի մասնագիտացված գործիքներով և դնել նրանց գործունեությունը նոր մակարդակի վրա:
15.11.2011
"Բի-Էս-Սի" – ն կազմակերպում է դասընթաց` "Կորպորատիվ (B2B) վաճառքի գաղտնիքներ" թեմայով: Դասընթացի նպատակն է ծանոթացնել կորպորատիվ և խոշոր վաճառքների հիմնական առանձնահատկություններին և սկզբունքներին և գործնականում հղկել դրանց համար անհրաժեշտ հմտությունները: Դասընթացն իրականացվում է ինտերակտիվ եղանակով շնորհիվ անհատական և խմբային հանձնարարությունների, դերախաղերի, իրավիճակների քննարկման: Դասընթացը նախատեսված է ակտիվ (սառը) վաճառքներով զբաղվող հատկապես այն վաճառող գործակալների և վաճառքի բաժնի ղեկավարների համար, ովքեր զբաղվում են խոշոր վաճառքներով և ում պոտենցիալ հաճախորդներն են հանդիսանում կազմակերպությունները: Դասընթացը տեղի կունենա սույն թվականի նոյեմբերի 24-26-ը: Դասընթացավար` Մաննիկ Սահակյան:
14.11.2011
"Էսպաս" կենտրոնը արդեն երեք տարի է տարբեր տարիքային խմբերի, հատկապես երիտասարդների համար կազմակերպում է աշխատանքային շուկա մտնելու համար անհրաժեշտ աշխատանքային հմտությունների դասընթացեր, տրամադրում անհրաժեշտ ժամանակակից գործիքներ /տեղեկատվական և հաղորդակցման տեխնոլոգիաներ, տասը մատով արագ տպելու հմտություններ, եվրոպական չափանիշներին համապատասխան ինքնակենսագրական, հարցազրույց, ծանոթացում աշխատանքային օրենսգրքին.../, քանի որ այսօր արագ զարգացող մեր հասարակությունում աշխատանքային շուկան դառնում է ավելի պահանջկոտ, իսկ փորձ և անհրաժեշտ հմտություներ չունեցող երիտասարդների համար աշխատանք գտնելը` բավականին դժվար: Դասընթացի հիմնական նպատակը երիտասարդներին ֆորմալ կրթական համակարգում բացակայող գործնական հմտությունների ուսուցանումն է, ինչպես նաև աշխատանքի որոնման համար անհրաժեշտ ուղիների մասին իրազեկումը, որոնք հնարավորություն կտան հեշտությամբ աշխատանք գտնել:
