Բրիտանական խորհրդի հայաստանյան գրասենյակը հայտարարում է Հայաստանում անգլերեն դասավանդող ուսուցիչների համար նախատեսված 4 առցանց դասընթացներ։ Դիմումներն ընդունվում են մինչև սեպտեմբերի 14-ը: Յուրաքանչյուր դասընթացի տևողությունը 2010թ. սեպտեմբերի 24-ից մինչև դեկտեմբերի 10-ն է (մոտավորապես 11 շաբաթ):
Դասընթացը ամբողջությամբ կատարվում է առցանց: Մասնակիցները պետք է տրամադրեն շաբաթվա ընթացքում 4-7 ժամ ցանկացած իրենց հարմար ժամանակ, միայն մեկ անգամ ֆիքսված ժամին կազմակերպվելու է բոլոր մասնակիցների հանդիպումը:
Յուրաքանչյուր մասնակիցը հնարավորություն կունենա իր գաղտնանշանով անցնել իր ուսուցման զոնան: Աշխատանքային լեզու` անգլերեն
Նախկինում ևս Բրիտանական խորհուրդը կազմակերպել է նման դասընթացներ և ստացել լավ արձագանքներ:
Բոլոր մասնակիցները պետք է ապրեն Հայաստանում և լինեն անգլերենի ուսուցիչներ: Դա կարող է լինել, օրինակ, պետական դպրոց, մասնավոր լեզվի կենտրոն: Անհրաժեշտ են համակարգչի առկայությունը և լավ ինտերնետ կապը: Մասնակիցները պետք է լավ տիրապետեն համակարգչին և ունենան գիտելիքներ ինտերնետում աշխատելու համար, ունենան էլեկտրոնային հասցե ինտերնետում:
Յուրաքանչյուր դասընթացի վճարը կազմում է 20,000 դրամ: Հայտը ներկայացնելուց հետո մասնակիցը պարտավորվում է վճարել դասընթացի արժեքը 5 աշխատանքային օրերի ընթացքում:
