Նորություններ

«Երիտասարդների մասնագիտական կողմնորոշում» թրեյնինգի հիմնական նպատակն է երիտասարդներին իրազեկել կրթական և մասնագիտական աճի հնարավորությունների մասին, և որ առավել կարևոր է, տալ նրանց հիմնական գիտելիք և անհրաժեշտ հմտություններ հետագայի համար։ Ծրագրի ընթացքում նախատեսվում է համագործակցել կրթական կազմակերպությունների հետ, որոնք իրենց ակադեմիական և մշակութային ծրագրերի միջոցով ակտիվորեն նպաստում են քաղաքացիական հասարակության զարգացմանը ՀՀ-ում։ Ծրագրի շրջանակներում միջոցառման մասին կմիանան կրթական ոլորտի փորձագետներ և մասնագետներ, ովքեր կներկայացնեն իրենց կազմակերպությունների առաքելությունն ու գործունեությունը։ Նրանք կիրազեկեն մասնակիցներին իրենց այն ծրագրերի մասին, որոնցում երիտասարդները կարող են ներգրավվել։ 

Դասընթացն անցկացվում է պետական բուհերի բակալավրիատում և մագիստրատուրայում սովորող ուսանողների համար՝ հատկապես ՀՀ մարզերից, ովքեր հետաքրքված են միջազգային ծրագրերով, երիտասարդական փոխանակման ծրագրերով, կամավորական աշխատանքով, պրակտիկա անցնելու և այլ հնարավորություններով։ 

Դասընթացը նպատակ ունի ուսանողներին իրազեկել տարբեր տեղական և միջազգային ծրագրերի մասին։ Ծրագրի արդյուքնում մասնակիցները կդառնան ավելի իրազեկ, ակտիվ և նախաձեռնող։ Դասընթացը կնպաստի նրանց ակադեմիական և մասնագիտական աճին, ինչը, իր հերթին, կնպաստի ՀՀ քաղաքացիական հասարակության զարգացմանը։ Այս դասընթացը ևս մեկ քայլ է բաց, իրազեկ և պատասխանատու հասարակության կառուցման ճանապարհին։  Այն կբացի միջազգային համագործակցության նոր հեռանկարներ հայ ուսանողների համար։ 

Ճանաչված հասարակական կազմակերպությունների, երիտասարդական կենտրոնների և միջազգային կազմակերպությունների ներկայացուցիչներ (Լույս հիմնադրամ, ARMACAD, DAAD, Եվրոպայի խորհուրդ, Բրիտանական խորհուրդ, IREX և այլն) կներկայացնեն իրենց ծրագրերն ու նախագծերը՝ երիտասարդների շրջանում տեղեկացվածության մակարդակը բարձրացնելու նպատակով։ Ծրագրի ավարտին մասնակիցներին կտրամադրվեն բոլոր ծրագրերի, դիմում հայտերի, տեղեկատվական բուկլետների, ներկայացումների և այլ նյութերի էլեկտրոնային տարբերակները, ինչպես նաև տարբեր գրքույկներ և բուկլետներ։ Դասընթացի բոլոր մասնակիցները կստանան վկայականներ։

Հիմնական նպատակները.

- Մղել երիտասարդներին մասնակցելու մեր երկրի ժողովրդավարացման գործընթացին։

- Բարձրացնել իրազեկվածությունը ակտիվ քաղաքացիության և հասարակական կյանքին մասնակցելու կարևորության մասին։ 

- Նպաստել երիտասարդների ակտիվությանը և ներգրավվածությանը հասարակական կյանքին։

- Ամրացնել կապերը ՀՀ մարզերի երիտասարդների միջև և աջակցել նրանց ակադեմիական և մասնագիտական զարգացմանը: 

- Երիտասարդ մասնակիցներին տալ տեղեկատվություն տարբեր միջազգային կազմակերպությունների կողմից առաջարկվող նախագծերի ու ծրագրերի մասին:

- Օգնել երիտասարդներին զարգացնել իրենց առաջնորդական, որոշումների կայացման և քննադատական մտածողության հմտությունները։ 

Թրեյնինգին կարող են մասնակցել՝

- 17-ից 25 տարեկան բակալավրիատի կամ մագիստրատուրայի ուսանողներ։

- Անգլերենի որոշակի իմացությամբ։

- Որոշակի համակարգչային գիտելիքներ ունեցող։ 

- Ամբողջ միջոցառմանը ակտիվ մասնակցել ցանկացող։

- Ստացված գիտելիքը հետագայում իրենց համայնքներում տարածել պատրաստ երիտասարդներ։

Մեթոդաբանական մոտեցումը բացարձակապես հիմված է լինելու ոչ-ֆորմալ կրթության մոտեցումների վրա։ Շեշտը դրվելու է բաց, բազմակողմանի և արդյունավետ ուսուցման վրա։ Կանցկացվեն քննարկումներ, ներկայացումներ և թրեյնինգներ։ 

Դասընթացի ընթացքում մարզերում բնակվող երիտասարդների ճանապարհածախսը և մեկանգամյա սննդի գումարը մասնակիորեն կֆինանսավորվի: Ֆինանսական օգնություն ակնկալող երիտասարդներին խնդում ենք այդ մասին տեղեկացնել ծրագրի ղեկավարներին` դիմում հայտին կցելով կարճ բացատրագիր ֆինանսավորում ակնկալելու վերաբերյալ: 

Դիմումների ներկայացման վերջնաժամկետից` Սեպտեմբերի 10-ից հետո, կազմակերպության աշխատակազմը դիմում հայտերի հիման վրա կընտրի 25 մասնակից Հայաստանի տարբեր մարզերից և Երևանից՝ պահպանելով գենդերային և աշխարհագրական հավասարություն: Ընտրված մասնակիցները կստանան նամակ՝ իրենց մասնակցությունը հաստատելու խնդրանքով։

Մանրամասն տեղեկությունների համար խնդրում ենք զանգահարել ծրագրի համակարգողներին` Մհեր Հակոբյան (077) 37 26 47, Գրիգոր Երիցյան (091) 59 62 35: Կարելի է նաև գրել մեր կազմակերպության էլ փոստի հասցեին՝ cfdngo@gmail.com:

Ավելին` այստեղ