Հայաստանի և Վրաստանի երիտասարդները “Եվրասիա” համագործակցության հիմնադրամի, Teodor Heuss Kolleg, MitOst կազմակերպությունների ֆինանսավորմամբ Getting Involved-2010 ծրագրի շրջանակներում իրականացնում են “Լուսանկարչությունը հանուն փոփոխության” ծրագիրը։ Լուսանկարները ներկայացնելու վերջին ժամկետը` 2010թ. սեպտեմբերի 10-ն է:
Ծրագրի հիմնական նպատակն է համախմբել հայ և վրացի հասարակությանը մեկ գաղափարի շուրջ՝ բևեռելով մարդկանց ուշադրությունը մեր իրականության դրական և բացասական կողմերի վրա։
Մրցույթին կարելի է ներկայացնել և՜ սիրողական, և՜ մասնագիտական լուսանկարներ։ Լուսանկարների համար թեմատիկ սահմանափակում գոյություն չունի, սակայն ավելի ողջունելի են մեր իրականության հրատապ խնդիրները պատկերող և դրանց հնարավոր լուծման եղանակները ներկայացնող լուսանկարները։
Մրցույթին կարող է մասնակցել յուրաքանչյուր անձ՝ առանց տարիքային սահմանափակման։
Լուսանկարները պետք է ուղարկել մինչև 2010թ. սեպտեմբերի 10-ը՝ նամակին կցելով նաև լրացված հայտը:
