Նորություններ

Գիտաժողովը նվիրված է Հայաստանի և հարակից երկրների ազգաբանությանը (սոցիալ/մշակութային մարդաբանություն), բանագիտությանը և հնագիտությանը: Ընդունվելու են նաև վերոնշյալ գիտաճյուղերին առնչվող հասարակագիտական (սոցիոլոգիա, կրոնագիտություն, արվեստաբանություն, պատմություն, լեզվաբանություն, հոգեբանություն, մշակութաբանություն, ճարտարապետություն և այլն) և բնագիտական (հնա և էթնո-կենսաբանություն, միջավայրային (էկո) և լանդշաֆտային հնագիտություն, հնեատնտեսագիտություն, հնեաերկրաբանություն, հնեաաշխարհագրություն, համակարգչային տեխնոլոգիաների կիրառություն և այլն) բնույթի միջբնագավառային հետազոտությունների վերաբերյալ զեկույցներ:

Ամփոփագրերի և մասնակցության հայտերի ներկայացման վերջնաժամկետն է 2010 թ. հուլիսի 15-ը (պետք է ուղարկել հետևյալ էլ.-փոստին` ysc_iae_arm@yahoo.com): 

Խնդրում ենք մասնակցության հայտը (կցված է) հայերեն լեզվի դեպքում լրացնել` Sylfaen, իսկ անգլերեն կամ ռուսերեն տարբերակների համար` Times New Roman տառատեսակներով: Զեկուցումների ամփոփագրերը, առավելագույնը 300 բառ, ընդունվում են հայերեն, անգլերեն կամ ռուսերեն լեզուներով` միայն Unicode տառատեսակներով: 

Գիտաժողովի կազմակերպչական հանձնաժողովի ընտրած զեկուցումների հեղինակները լրացուցիչ կտեղեկացվեն էլ.-փոստով` 2-րդ տեղեկատվական նամակով` մինչև 2010թ.-ի օգոստոսի 1-ը։ Գիտաժողովում ներկայացված և ինստիտուտի գիտական խմբագրական խորհրդի հավանությանն արժանացած նյութերը կհրատարակվեն առանձին ժողովածուով։ 

Գիտաժողովի կազմակերպիչ` ՀՀ ԳԱԱ Հնագիտության և ազգագրության ինստիտուտի Երիտասարդ գիտնականների խորհուրդ: 

Հասցե` Երևան, 0025, Չարենցի փ., 15: 

Հեռ.` (+374) 55 55 05 29, (+374) 93 06 56 24, (+374) 10 55 68 96: 

Էլ.-փոստ` ysc_iae_arm@yahoo.com

Աղբյուր` ARMACAD