Հայաստանի Հանրապետության կրթության և գիտության նախարարությունը հայտարարում է մրցույթ` 2010-2011 ուսումնական տարում Սիրիայի Արաբական Հանրապետության բարձրագույն ուսումնական հաստատություններում մագիստրոսական և ասպիրանտական / 8 կրթաթոշակ / կրթություն ստանալու համար, ինչպես նաև 30 կրթաթոշակ` արաբերեն լեզվի 10-ամսյա վերապատրաստման դասընթացներին մասնակցելու համար:
Մագիստրոսական և ասպիրանտական մրցույթին կարող են մասնակցել արաբերեն լեզվին տիրապետող և համապատասխանաբար բակալավրի կամ մագիստրոսի կրթական աստիճան ունեցող կամ ավարտական կուրսերում սովորող ՀՀ քաղաքացիները:
Լեզվի վերապատրաստման դասընթացների համար անցկացվող մրցույթին կարող են դիմել արաբերեն լեզվին տիրապետող ՀՀ բուհերի ուսանողները:
Դիմորդները պետք է ներկայացնեն.
•դիմում` մրցույթին մասնակցելու համար, որում պետք է նշվի նախընտրած մասնագիտությունը,
•դիմում-հարցաթերթիկ,
•ավարտական դիպլոմի և միջուկի, իսկ ավարտական կուրսերի ուսանողներն առաջադիմության թերթիկի /ակադեմիական տեղեկանքի/ պատճենները` նոտարի կողմից անգլերեն կամ արաբերեն թարգմանված և ՀՀ արտաքին գործերի նախարարության կողմից վավերացված,
•անձնագրի պատճենը,
•բժշկի տեղեկանք` արտերկիր գործուղվողների համար,
•3x4 չափսի 5 գունավոր լուսանկար,
•արական սեռի անձինք` զինգրքույկի պատճենը կամ դրան փոխարինող ժամանակավոր կամ զորակոչային տեղամասից համապատասխան տեղեկանք:
Ասպիրանտական կրթության համար դիմորդները պետք է ներկայացնեն նաև.
•ռեֆերատ հայերեն լեզվով,
•ստուգարքային թերթիկ` համակարգչից օգտվելու հմտության վերաբերյալ,
•օտար լեզվի իմացությունը փաստող վկայական` ՀՀ կրթության և գիտության նախարարի 28.11.2007թ. N1162-Ա/Ք հրամանով հաստատված անցումային շեմերին համապատասխան:
Ասպիրանտական կրթաթոշակի համար հավակնող դիմորդները պետք է հանձնեն մասնագիտական քննություն` ՀՀ կրթության և գիտության նախարարի կողմից 2006թ. սեպտեմբերի 15-ի N 740-Ն հրամանով հաստատված «Հայաստանի Հանրապետությունում ասպիրանտուրայի ընդունելության կարգիե համաձայն և անցնեն հարցազրույցի փուլ:
Մրցույթին մասնակցել ցանկացողները փաստաթղթերը կարող են ներկայացնել մինչև ս/թ. մայիսի 5-ը /ներառյալ/ ՀՀ կրթության և գիտության նախարարության միջազգային համագործակցության և սփյուռքի վարչություն (ք. Երևան Կառավարության 3 շենք,VI-րդ հարկ, 619 սենյակ, հեռ. 56-23-64):
Մրցույթը տեղի կունենա ս.թ. մայիսի 7-ից 14-ն ընկած ժամանակահատվածում Երևանի Խաչիկ Դաշտենցի անվան թիվ 114 միջնակարգ դպրոցում /Հանրապետության 73/:
Աղբյուր` edu.am
