Նորություններ

Նոյեմբերի 10-ին, ժամը 930-ին Համահայկական երիտասարդական հիմնադրամի տարածքում կմեկնարկի "Ես կարող եմ աշխատել" խորագրով միջոցառումը, որի շրջանակում կկազմակերպվի մասնագիտական հմտությունների օլիմպիադա և ՄԿՈՒ մասնագիտական կարողությունների ցուցադրություն (էքսպո)։Նախատեսված օլիմպիադայի շրջանակում մրցելու են "խոհարար", "հյուսն, ատաղձագործ" և "դերձակ-մոդելավորող" որակավորումների երեք թիմերը, իսկ մասնագիտական կարողությունների ցուցադրությունն անցկացվելու է "Փայտի գեղարվեստական փորագրող", "Հասարակական սնունդ", "Գորգագործ", "Քարի գեղարվեստական փորագրող", "Խեցեգործական գեղարվեստական իրեր պատրաստող", "Մանրանկարիչ", "Գեղանկարչություն", "Դարբին-դրոշմող", "Զարդակիրառական արվեստ", "Թարգմանիչ-սպասարկման կազմակերպիչ", "Ոսկերիչ" և "Դերասանական արվեստ" որակավորում ստացող ուսանողների կողմից։

ՀՀ կրթության և գիտության նախարարության պատվերով միջոցառումը կազմակերպվել է Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) կողմից և իրականացվում է Հայաստանին ԵՄ բյուջետային աջակցության ծրագրի շրջանակում։

Միջոցառումը կավարտվի նույն օրը ժամը 19:00-ին:

Ավելին` այստեղ