Օգնական

Դուք աշխատանք եք փնտրում: Ընդ որում ոչ թե ցանկացած, այլ հետաքրքիր, բարձր աշխատավարձով և տանը մոտ գտնվող: Դրա համար միայն լավ մասնագետ լինելը բավարար չէ : Պակաս կարևոր չէ գիտելիքներին տիրապետելը, աշխատաշուկայում շահավետ ներկայանալը: Անհրաժեշտ է հաղթահարել մի քանի խոչընդոտ: Դրանցից առաջինը կազմակերպության ղեկավարի կամ կադրերի բաժնի վարիչի հետ հարցազրույցն է: Հենց ըստ հարցազրույցի արդյունքների էլ ղեկավարն ասում է իր խոսքը: Իսկ որպեսզի այդ խոսքը չլինի վերջինը, ինչ դուք լսել եք նրանից, հարցազրույցին պետք է պատրաստված լինել:

Հարցազրույցին նախապատրաստումը խորհուրդ է տրվում սկսել կազմակերպության մասին ինֆորմացիայի կուտակմամբ: Դա կարելի է անել տարբեր ճանապարհներով` ծանոթանալ արտադրանքի կամ ծառայությունների հետ, ուսումնասիրել գովազդային բրոշյուրները, եթե հնարավոր է, զրուցել տվյալ կազմակերպությունում աշխատած կամ աշխատող մարդու հետ: Նրանից կարելի է շատ օգտակար բաներ իմանալ: Եզրակացություն` ինֆորմացիա քաղեքհասանելի ցանկացած աղբյուրից: Աշխատեք իմանալ որքան հնարավոր է շատ պոտենցիալ թեկնածուին ներկայացվող պահանջների մասին: Դա կօգնի որոշել ենթադրվող հարցերի բնույթը:

 

Հավաքելով կազմակերպության և աշխատատեղի մասին ինֆորմացիան, դուք պետք է քննադատաբար նայեք ինքներդ ձեր վրա: Ձեր խնդիրն է ներքուստ համոզվել, որ իսկապես ուզում եք աշխատել այդ կազմակերպությունում, և իրենց իսկապես հարկավոր է այնպիսի աշխատող, ինչպիսին դուք եք: Հարցազրույցները տարբերվում են միմյանցից:Օրինակ, մեկի ժամանակ կարող են հարցնել թե ինչ եք դուք ուզում կյանքից, իսկ մյուսի դեպքում` ընդհանրապես ոչինչ չեն ուզում իմանալ պոտենցիալ աշխատակցի մասին և միանգամից ներկայացնում են պարտականությունների ցուցակը: Այնուամենայնիվ բոլոր հարցազրույցներն ունեն ընդհանուր գծեր, ինչից կարելի է ենթադրել, թե ինչ են սպասելիքներ ունեն գործատուները հնարավոր աշխատակիցներից և ինպես պետք է վարվել հարցազրույցի ժամանակ: Հարցազրույցը ոչ միայն ձեր պրոֆեսիոնալիզմի ստուգումն է, այլև համակրանքի և անսպասելի հարցերին արագ կողմնորոշվելու ու շատ այլ բաների: Այդ բոլոր փորձություններն անցնելու և ձեզ հետաքրքրող աշխատանքը ստանալու համար անհրաժեշտ է մտածել երեք կարևոր բաների մասին` հագուստ, պահելաձև, հնարավոր հարցերին պատասխաններ:

Սկսենք արտաքին տեսքից

 

Այն, ինչ դուք հագնելու եք հարցազրույցի օրը, կարող է էապես ազդել գործատուի կարծիքի վրա: Կարծում ենք կարիք չկա ասելու, որ եթե դուք ընդունվում եք աշխատանքի բանկում, գործնական կոստյումը անհրաժեշտություն է: Բայց այստեղ ևս մանրուքներ կան: Օրինակ, ձեզ ընտրություն է սպասվելու սև և սպիտակ կոստյումների միջև: Որն եք դուք ընտրելու: Սևը?: Դուք վստահ եք? Մեծամասնությունը կողմ է մուգ տարբերակին, դա փաստ է: Իսկ հոգեբանները պնդում են, որ ընտրել պետք է սպիտակը: Այդ գույնը կտրամադրի ձեզ և գործատուին դրականին: Բաց երանգները ուշադրություն են գրավում և հետաքրքրություն ձեր անձի նկատմամբ: Բացի այդ ենթագիտակցության մակարդակի վրա շրջապատող մարդիկ կգնահատեն ձեր բարյացակամությունը, բաց լինելը, բայց պետք է հաշվի առնել, որ որոշ գույներ հակառակը, մարդկանց մոտ առաջացնում են խիստ բացասական ռեակցիա: Վարդագույնը, շագանակագույնը, կանաչը ավելի հաճախ վանում են, քան ձգում: Ավելի լավ է հագնվել կարմիր, կապույտ կամ բաց մոխրագույն գույների մեջ:

 

Սպորտային ոճը տեղին չէ, անգամ եթե դուք եկել եք աշխատելու ֆիզկուլտուրայի ուսուցիչ: Ստեղծագործական մասնագիտությունների տեր մարդկանց համար կատարյալ տարբերակ է` ջինս, բաց վերնաշապիկ, կոշիկներ: “Դիզայներ” աշխատատեղի համար հայտատուն ծիծաղելի տեսք կունենա խիստ գործնական կոստյումով:

 

Եվ մի բան էլ` ձեզ պետք է հարմար լինի հագուստի մեջ: Չարժե հագնել հարցազրույցին բարձր կռունկով նոր կոշիկներ, եթե առօրյա կյանքում դուք դրանք հաճախ չեք կրում: Ձեր հագուստի ոճին նոր աշխատանքի համար դուք հավանաբար չեք դավաճանի: Այնպես որ չարժե դա անել և հարցազրույցի օրը: Հատկապես որ գործատուի մոտ կարող է սխալ կարծիք ձևավորվել ձեր մասին: Հագուստի ոճը շատ բան կարող է պատմել մարդու մասին:

Հարցեր, որոնց պատասխանների համար պատրաստվել է պետք  

 

Դուք արդեն կատարել եք կարևոր նախնական աշխատանքը, մնում է միայն վստահ ներս մտնել, որտեղ ձեզ սպասում է ընկերության ներկայացուցիչը, լավ տպավորություն թողնել և հաղթանակած դուրս գալ:

 

Մենք կքննարկենք մի շարք հարցեր, որոնցից շատերը ձեզ կտրվեն այս կամ այն ձևով համարյա բոլոր հարցազրույցների ժամանակ:

 

Պատմեք մի փոքր ձեր մասին… Ամենատարածված հարցն է: Կարելի է համառոտ պատմել կրթության և աշխատանքային փորձի մասին, աշխատելով ընդգծել, որ դուք հարմար թեկնածու եք տվյալ պաշտոնի համար:

 

Ինչու՞ եք դուք համարում, որ կարող եք կատարել տվյալ աշխատանքը:

 

Երբեմն այդ հարցը տրվում է այլ կերպ` Ինչու մենք պետք է ձեզ աշխատանքի վերցնենք: Ձեզ կարծես թե ուղղորդում են թվարկել այն անձնական առավելությունները, որոնք համապատասխանում են տվյալ պաշտոնի համար: Մի մոռացեք հաստատել ձեր ինքնագնահատականը կոնկրետ օրինակներով:

 

Ինչպե՞ ս եք ձեզ տեսնում 3-5 տարի հետո:

 

Եվս մեկ հնարավորություն հավաստիանալու, որ դուք իսկապես հետաքրքրված եք տվյալ աշխատանքով և պատրաստ եք ձեզ երկար նվիրաբերել նրան: Ձեզանից ուզում են լսել որ դուք պատվասեր եք և ձգտում եք կարիերայի աճի:

 

Ի՞ նչ աշխատավարձ եք ակնկալում:

 

Ավելի լավ է խույս տալ պատասխանից, ասելով, որ դուք առաջնային չեք համարում աշխատավարձի քննարկումը: Եթե հարցաքննողը պնդում է, փորձեք այնուամենայնիվ պարզել, թե որքան է կազմակերպությունը պլանավորում առաջարկել: Եթե դուք ստիպված եք լինում ասել թիվը, անվանեք սպասվող գումարի միջինից քիչ ցածր կամ ցածր սահմանները (ից…մինչև):

 

Աշխատանքի այլ առաջարկություններ ստացե՞ լ եք:

 

Եթե ստացել եք, ապա ուղիղ ասեք այդ մասին, ինչը կբարձրացնի ձեր շանսերը: Բնականաբար, պետք է ավելացնել, որ տվյալ աշխատանքը ձեզ ավելի է հետաքրքրում:

 

Ինչու՞ եք հեռացել նախորդ աշխատանքից:

 

Չարժե խոսել կոնֆլիկտների մասին, եթե անգամ դրանք եղել են: Ավելի լավ է պատճառաբանեք այպես`ինձ ավելի հետաքրքիր, լավ վարձատրվող, աճի լավ հնարավորությամբ աշխատանք են առաջարկել: Երբեք մի քննադատեք ձեր նախորդ ղեկավարին կամ գործատուին: Եթե հարցաքննողը տեղյակ է ձեր կոնֆլիկտի մասին, մի պատմեք մանրամասները, բացատրեք որ դա հատուկ իրավիճակների հետ կապված դեպք էր և ընդգծեք այն դրականը, որը կար նախորդ աշխատանքում`փորձ, գիտելիքներ և այլն:

 

Որո՞ նք են ձեր ամենամեծ ձեռքբերումները:

 

Նախօրոք կազմեք վերջին տարիների ձեր ձեռքբերումների և հաջողությունների ցուցակը:

 

Ինչի՞ համար են ձեզ քննադատել վերջին տարվա ընթացքում:

 

Անհրաժեշտ է նշել այն նկատողությունները, որոնք ի վերջո կլինեին ձեր օգտին: Օրինակ, “Ես այնքան եմ տարված իմ մասնագիտությամբ, որ անընդհատ լսում եմ իմ ընկերներից և բարեկամներից թե ես միայն իմ աշխատանքի մասին եմ մտածում”:

 

Հարցաքննողը հայտարարում է ձեզ, որ դուք ձեզ լավ չեք դրսևորել հարցազրույցի ժամանակ և չեք համապատասխանում տվյալ պաշտոնի համար: Մի տխրեք: Հարցաքքնողը ավելի հաճախ ցանկանում է իմանալ, ինչպես եք դուք արձագանքում քննադատությանը: Ասացեք նման մի բան` “Ես վշտացած եմ, այս աշխատանքն ինձ ավելի հետաքրքրեց քան մնացած բոլորը: Մի անգամ էլ կրկնեմ, վստահ եմ, որ ես համապատասխան եմ ձեզ” : Մի կորցրեք ինքնակառավարումը և ուշադրություն դարձրեք ձեր առավելությունների վրա:

 

Դուք հարցեր ունե՞ ք:

 

Երբեք մի ասեք, որ դուք հարցեր չունեք: Աշխատեք այնպիսի հարց տալ, որը կխոսի ձեր օգտին: Օրինակ, ճշտեք ինչ-որ կարևոր բան, ինչը բավականաչափ չի լուսաբանվել հարցազրույցի ժամանակ:

 

Ձեր պատասխանները պետք է հստակ լինեն, այսինքն պետք է հստակ պատասխանել տրվող հարցին և քննարկվող թեմայի սահմաններից դուրս չգալ: Բայց դա չի նշանակում, որ դուք պետք է պատասխանեք միայն այո կամ ոչ: Դուք պետք է նախօրոք այնպես պատրաստվեք, որ ոչ մի հարց հանկարծակի չլինի: Բայց և պետք չէ պատասխանել անգիր արած: Եվ իբրև վերջաբան ձեզ խորհուրդ փորձառու հարցաքննող Դիանա Բերկից` “Կան պատասխաններ, որոնք կրկնվում են միլլիոն անգամ, օրինակ, Ես շատ շփվող եմ կամ Ես կուզեի աշխատել այնտեղ, որտեղ աճի հնարավորություն կա: Անգամ եթե դրանք ճշմարիտ են ձեր դեպքում, աշխատեք պատասխաններն այլ կերպ ձևակերպել”:

 

Կարդացեք նաև Ինչպես դիմել աշխատանքի` ռեզյումե և

Ինչպես դիմել աշխատանքի` նամակագրություն