Օգնական

Լավ ռեզյումեն աշխատանք փնտրելու ամենաարդյունավետ միջոցներից մեկն է: Հիշեք երեք հիմնական կետերը`

- Ռեզյումեի օգնությամբ աչքի ընկնելու ձեր միակ հնարավորությունն այն ժամանակ է, երբ այն կարդում են առաջին անգամ: Որպես կանոն, ռեզյումեի ընթերցմանը ծախսվում է 2-3 րոպե: Եթե ուշադրությունը գրավել չստացվեց, ուրեմն ռեզյումեն չգործեց:

- Ռեզյումեն կազմելու ժամանակ հետևեք ընտրողականության սկզբունքին: Ռեզյումեի համար ինֆորմացիան պետք է ընտրել`ելնելով նրա նպատակներից: Այլ կերպ ասած, ռեզյումեի մեջ պետք է ներառել Ձեր փորձի նկարագրման հենց այն կետերը, որոնք նշանակալի են տվյալ աշխատանքի համար: Օրինակ, եթե դուք զբաղվել եք գիտական աշխատանքով և միաժամանակ խորհրդատվությամբ, առևտրային ոլորտում աշխատանք ստանալուն ուղղված ռեզյումեի մեջ չարժե նկարագրել ձեր գիտական հաջողությունները և բերել գիտական աշխատանքների ցուցակ, ավելի լավ է թվարկել խորհրդատվական գործունեության ընթացքում ստացած կոնկրետ հմտություններն ու գիտելիքները:

- Հաջողված ռեզյումեն կարող է հարցազրույցի, այսինքն` գործատուի կամ նրա ներկայացուցչի հետ հանդիպման առիթ դառնալ, բայց դեռ չի երաշխավորում աշխատանքի ստանալը: Ձեր նպատակն է, որ ընթերցողը ցանկանա հանդիպել ձեր հետ անձամբ:

Ռեզյումեն կազմված է հետևյալ բաժիններից`

Ձեր անունը, նկարը, հասցեն, հեռախոսահամարը:

Աշխատանքային փորձը հակադիր ժամանակաբանական կարգով (սկզբից նշվում է վերջին աշխատանքային վայրը): Դա հիմնական մասն է: Նշեք աշխատանքի սկզբի և ավարտի ժամանակահատվածները, կազմակերպության անվանումը, պաշտոնները (դրանք կարող են մի քանիսը լինել, եթե ձեր կարիերան հաջողությամբ է զարգացել), և համառոտ նկարագրեք պաշտոնական պարտականություններն ու արտադրական ձեռքբերումները, եթե այդպիսիք եղել են: Ձեռքբերումների նկարագրության ժամանակ օգտագործեք շարժման բայեր, ինչպիսին են զարգացրել եմ, տնտեսել եմ, ավելացրել կամ պակասեցրել:

Կրթությունը (որքան շատ ժամանակ է անցել ուսումնական հաստատության ավարտից, այդքան քիչ տեղ այդ կետը պետք է զբաղեցնի ռեզյումեում: Բայց շրջանավարտների և ուսանողների համար այդ կետը պետք է լինի նախորդից առաջ, քանզի աշխատանքային փորձը, եթե անգամ կա, այս դեպքում քիչ նշանակալի է: Կարելի է տեղեկացնել պարգևատրումների մասին, նշել ձեր նպատակներին համապատասխանող ուսումնասիրված գիտակարգերի մասին):

Լրացուցիչ տեղեկատվություն. Օտար լեզուների և համակարգչի իմացություն, վարորդական իրավունքի առկայություն, մասնագիտական կազմակերպություններում անդամակցություն և այլն: (հոբբին արժե նշել միայն այն դեպքում, եթե այն սերտորեն կապված է ցանկալի աշխատանքի հետ): Այդ ամենը պետք է նշվի առանձին կետերով:

Ռեզյումեի օրինակ

Անուն, ազգանուն, հայրանուն____

Հասցե ______

Էլ. Հասցե (e-mail)_______

Հեռախոսահամար _______

Վարորդական իրավունքի առկայություն___

Կրթություն (նշեք տարեթիվը, բուհի անվանումը, մասնագիտացումը, ստացած կոչումը)___ 

Աշխատանքային փորձ (նշեք ժամկետը, պաշտոնը, կազմակերպությունը, պարտականությունները զբաղեցրած պաշտոնի ներքո)_____

Լեզուների իմացություն (օրինակ, հայերեն`գերազանց, անգլերեն`լավ)____

Համակարգչի իմացություն (օրինակ, տիրապետում եմ…(նշել ծրագրերը) համակարգչային ծրագրերին)__ Հմտություններ______

Անդամակցություն______

Հոբբի_____

Այլ տեղեկատվություն_______

Եվ ի լրացում` ռեզյումեի ձևակերպման 15 կանոն.

1. Ռեզյումեն պետք է ունենա վառ արտահայտված կառուցվածք և վերարտադրման պարզ լեզու: Գործատուն պետք է մինիմալ ժամանակ ծախսի ռեզյումեն գնահատելու և ըստ դրա որոշում կայացնելու համար: Տեքստում պետք է աչքի ընկնեն ձեր հիմնական կարողությունները, հմտությունները, ձեռքբերումներն ու փորձը:

2. Ռեզյումեն պետք է ճիշտ ձևավորված լինի: Նրա ընթերցման ժամանակ ուշադրությունը չպետք է շեղվի: Անհրաժեշտ է ճիշտ բացթողումներ անել, հավասար լուսանցքներ, չչարաշահել պարբերություները: Ավելի լավ է ռեզյումեն տպել լազերային տպիչով, այդպես ձեր տեքստն ավելի ներկայանալի վայելուչ տեսք կունենա:

3. Ռեզյումեն պետք է համառոտ լինի: Օպտիմալ ծավալը` 1 էջ: Աշխատանքային փորձի նկարագրության ժամանակ սահմանափակվեք վերջին 5-7 տարիներով: Արտահայտեք ձեր միտքը գրագետ, խուսափեք երկրորդական դետալներից:

4. Ռեզյումեն պետք է մտածված լինի: Նրա բովանդակությունը պետք է ամբողջովին համապատասխանի ցանկալի աշխատանքի ուղղվածությանը: Եթե դուք կարող եք մի քանի պաշտոն զբաղեցնել, ուղարկեք մի քանի համապատասխան ռեզյումեներ:

5. Ռեզյումեն պետք է ապացուցող լինի: Բերեք ձեր վերջին աշխատանքի արդյունքները, օգտագործելով թվեր և տոկոսներ, ցուցադրեք ձեր գործունեության իրական արդյունքը:

6. Ռեզյումեն պետք է հստակ լինի: Խուսափեք ավելորդ նկարագրություններից:

7. Ռեզյումեն պետք է կոկիկ լինի: Նշելով ձեր դրական փորձը`մի մեծաբանեք ու պարծեցեք:

8. Ռեզյումեն պետք է արտաքնապես գրավիչ լինի: Օգտագործեք որակյալ սպիտակ թուղթ: Շրիֆտը պետք է լավ ընթեռնելի լինի, որպես կանոն, 12-14 տառատեսակով:

9. Ռեզյումեն պետք է հասարակ լինի: Մի տարվեք գրագիկական նկարներով, շրջանակներով, սխեմաներով և այլն: Ոչ մի դեպքում մի բարդացրեք տեքստը հապավումներով, որոնք, իմիջիայլոց, կարող են հայտնի չլինել գործատուին: Ամբողջությամբ գրեք դպրոցի, բուհի անվանումներն ու հասցեն:

10. Ռեզյումեն պետք է եռանդուն լինի: Բնութագրելով ձեր փորձը օգտագործեք գործողության բայեր` կազմակերպեցի, լուծեցի և այլն:

11. Ռեզյումեն պետք է կոռեկտ լինի: Օգտագործեք կարճ արտահայտություններ, մի տարվեք երկար բառակապակցություններով: Եթե անհրաժեշտ է լինում օգտագործել հատուկ տեխնիկական տերմիններ, հոգ տարեք, որ դրանք հասկանալի լինեն ոչ մասնագետներին:

12. Ռեզյումեն պետք է անթերի լինի: Մի վստահեք համակարգչային խմբագրին:, Սխալների և երկիմաստության բացակայության մեջ համոզվելու համար անպայման բարձր ընթերցեք ռեզյումեի տեքստը գրելուց հետո:

13. Ռեզյումեն պետք է ընթեռնելի լինի: Հիշեք, որ դժվարընթեռնելի ռեզյումեն այդպես էլ անավարտ է մնում և ուշադրության չի արժանանում:

14. Ռեզյումեն պետք է պաշտոնական լինի: Մի բեռնեք այն անձնական բնույթի տվյալներով, մասնավորապես` բարեկամների, ձեր քաշի, հասակի, առողջության մասին տեղեկատվությամբ: Պարտադիր չէ ռեզյումեի մեջ ներառել նկարը (բացի այն դեպքերից, երբ դա պահանջում է գործատուն):

15. Ռեզյումեն պետք է ավարտուն լինի: Գործատուները լավ հասկանում են, որ եթե նրանք պահանջեն հանձնարարական, դուք դրանք կներկայացնեք: Այդ պատճառով ռեզյումեի վերջում մի գրեք «հանձնարարականները կցված են»:

Կարդացեք նաև Ինչպես դիմել աշխատանքի` նամակագրություն